DOUS PEQUENOS TREMORES DEIXANSE SENTIR EN GRAN PARTE DE GALICIA OCCIDENTAL

O Servizo de Información sísmica do Instituto Xeográfico Nacional confirmou dous pequenos tremores que se puideron sentir en distintos puntos da provincia de Pontevedra.

O primeiro rexistrouse ás 15:03 horas deste domingo tivo unha magnitude de 1,6 na escala Richter e tivo o seu epicentro en Porto do Son pero púidose sentir en varias localidades da ría de Arousa. A Illa, Cambados, Vilagarcía ou O Grove por exemplo sentiron en maior ou menor medida estes tremores.

O segundo terremoto tivo lugar ás 19:57 horas e localizouse en A Lagoa (Campolameiro). A súa magnitude foi de 3,5 segundo informa o Instituto Xeográfico nacional,dependente do Ministerio de Fomento.

O epicentro do sismo situouse a unha profundidade de 22 quilómetros.

Segundo os datos oficiais, este terremoto foi sentido amplamente na zona epicentral e en Santiago de Compostela.