UN HOME MALTRATA A SUA NAI EN CORBILLÓN

Un veciño de Cambados foi detido a semana pasada por agredir, presuntamente, á súa nai, segundo confirmaron fontes da Garda Civil.

O detido responde ás iniciais E. M. C. e os feitos tiveron lugar na parroquia de Corvillón. A suposta vítima presentou a oportuna denuncia e o titular do xulgado de instrución número 4 de Cambados  dictou unha orde de afastamento contra o detido, o cal supón que lle queda terminantemente prohibido achegarse a menos de cen metros do domicilio da sua proxenitora.
Como adoita ocorrer en todos os casos relacionados con malos tratos, desde as forzas de seguridade gardan un absoluto mutismo respecto a os detalles que rodean a este suceso, en aras de preservar no anonimato a identidade da muller e velar pola súa seguridade.