A LOUZAN NOTASELLE QUE ESTAMOS EN PRECAMPAÑA

A Deputación Provincial de Pontevedra, a través do seu presidente, Rafael Louzán, anunciou un investimento de dous millóns e medio, en diferentes proxectos encamiñados a potenciar o turismo e o comercio. O formato destes investimentos é un convenio que asinarán Deputación, Consellería de Industria e Ministerio de Industria, para conseguir os dous millóns de euros que ofrece a Unión Europea, aos que haberá que sumar o medio millón que achegará a Deputación, e pór en marcha unha Plataforma Integrada Intelixente. Os investimentos millonarios canalizaranse a través da Escola de Organización Industrial da administración provincial. Explicou a letra miúda destes plans o deputado responsable de Turismo na Deputación, José Manuel "Chema" Figueroa, quen destacou o proxecto de Plataforma Integrada Intelixente, no marco das novas tecnoloxías, que promocionará os recursos das Rías Baixas por todo o mundo. O turismo é un sector estratéxico, dixo Chema Figueroa, que representa o 12% do Produto Interior Bruto de Galicia, e dá traballo a 40.000 persoas, aproximadamente. Sobre os balances provisionais que manexa a Deputación, a situación ha mellorada na recta final de agosto e primeiros días de setembro. Ademais deste proxecto, a Xunta de Goberno Provincial aprobou esta mañá diversos proxectos deportivos en Moraña, O Grove, Vigo e Tuy, que suporán un investimento total que supera os tres millóns cen mil euros, segundo informou o presidente Louzán.