RESUMO DAS PROTESTAS DOS VENRES DOS SINDICATOS

Centos de persoas responderon onte a o igual que anteriores venres en Galicia á chamada dos principais sindicatos, CCOO, UXT e CIG, para protestar contra as políticas de austeridade e os "recortes" de dereitos laborais e sociais que derivan nunha "deterioración" do Estado de Benestar.

En Vigo, ao redor de 200 persoas mostraron fronte á sede da Xunta o seu rexeitamento aos "recortes" do Goberno central. Os participantes no acto de protesta exhibiron unha gran pancarta coa lema 'Non ao saqueo do pobo, hai que impedir que nos arruínen'.Este acto reivindicativo coincidiu coa mobilización dos empregados de Grafinsa que reclaman que se manteña a súa actividade ante o anuncio de que a firma pechará as súas instalacións. Amelia Pérez, de CCOO Vigo, sinalou que as "reformas ideolóxicas do PP" non axudarán a saír "da crise".Avogou por dar "un paso máis" e comezar "unha rebelión pacífica". Ademais, Amelia Pérez criticou que se utilice a crise para "terminar co estado de benestar".



Unhas 300 persoas, segundo os cálculos de CCOO, concentráronse tamén a o mediodía ante a delegación da Xunta en Ferrol en resposta á convocatoria dos tres sindicatos maioritarios en Galicia contra os recortes sociais que aprobou o Goberno central.A protesta iniciouse pasadas as 12:30 horas baixo unha incensante choiva na praza de España de Ferrol e disolveuse media hora despois. Xulio Abelleira, secretario comarcal de CCOO, manifestou “ que as medidas aprobadas desmontan o Estado de Benestar mentres crece o desemprego e a precariedade".


En Ourense, uns 300 empregados públicos concentráronse diante da Subdelegación de Goberno para manifestarse en contra das medidas de axuste postas en marcha polo Goberno Español.O secretario comarcal de CIG Ourense, Etelvino Branco, asegurou que estas protestas responden o anuncio do presidente do Goberno, Mariano Rajoy, sobre "os venres negros nos que porían en marcha medidas verdadeiramente drásticas que afectarán á clase traballadora".Pola súa banda, a coordinadora provincial de Comisións Obreiras, Ana Barrios, puxo o punto de atención na deterioración da sanidade e educación e asegurou que "a folla de ruta do goberno do Estado e de Galicia é desmantelar todo o relacionado co público".

En Santiago, máis de 300 persoas, segundo os impulsores, concentráronse ás 12:00 na Praza de Galicia, e en Viveiro (Celeiro) medio centenar de persoas, informaron os convocantes, protestaron desde as 11:00 horas fronte á Delegación de Pesca.