PONTEVEDRA-SALNÉS: TRES CONCELLOS DO SALNÉS EN ALTO RISCO

A área sanitaria rexistra 111 casos máis activos e detecta 129 novos contaxios

Este luns notificouse a morte dunha muller ingresada con covid no Chup.  

A sexta onda de coronavirus segue aumentando o seu impacto na área sanitaria de Pontevedra e O Salnés. Así, se o luns se rexistraron 1.033 casos, este martes son 1.144, 111 máis.

Así o indican os datos facilitados polas autoridades sanitarias, que tamén evidencian un incremento dos positivos detectados nas últimas 24 horas: 129, para os 113 do día anterior.

En canto ao número de hospitalizados con covid na provincia, tamén aumenta, sendo 39 o total de pacientes, 2 máis. Deles, 3 están na Uci do Chup, mentres que o resto están en planta: 34 no Chup, 2 máis, e 2 no Hospital do Salnés.

Desde o inicio da pandemia, 21.579 persoas foron curadas na área sanitaria de Pontevedra e O Salnés. En canto ás vítimas, faleceron 210. O último falecemento, unha muller ingresada no Chup, foi comunicado este luns.

NOVE CONCELLOS EN ALTO RISCO

Nove concellos da área sanitaria están a un alto nivel segundo o novo semáforo para indicadores de transmisión aprobado recentemente pola Consellería de Sanidade, tomando como referencia os datos deste luns.

Son os que superan os 300 casos por cada 100.000 habitantes despois de 14 días: Soutomaior (417), O Grove (399), Forcarei (393), Ponte Caldelas (379), Pontevedra (374), Vilaboa (371), Vilagarcía (367) , Moraña (337) e Ribadumia (333).

Séguenlle Poio (275) e Vilanova (273). Pero aínda hai outros dous en risco moi alto cando superan os 500: Bueu e Marín (519).

Tampouco se ven boas as perspectivas respecto da incidencia acumulada aos sete días, xa que son seis os concellos que presentan un risco moi alto, superando os 250 casos por cada 100.000 habitantes: Bueu (602), Marín (408), Soutomaior (377), Ponte Caldelas (343), Pontevedra (292) e Vilaboa (304).

Novos casos diagnosticados por PDIA (Probas Diagnósticas de Infección Activa) nos últimos 14 días (datos do SERGAS) no Salnés:

Cambados      37                                         

Illa de Arousa    -10                          

Meaño       -10                                  

Meis       -10                                  

O Grove       36                                 

Ribadumia      19                                    

Sanxenxo      24                                        

Vilagarcía de Arousa      160     

Vilanova de Arousa       27