PONTEVEDRA-SALNÉS: SEGUEN INCREMENTANDO OS CASOS E CHEGAN ATA 600

A sexta onda segue incrementando o seu impacto na zona de Pontevedra e O Salnés.

Os indicadores de incidencia do coronavirus na área sanitaria de Pontevedra e O Salnés seguen a dar conta dunha situación complicada. Se o martes rexistráronse 527 casos activos, este mércores xa son 592, 65 máis.

Así o demostran os datos facilitados polas autoridades sanitarias, que tamén indican un lixeiro descenso dos positivos detectados nas últimas 24 horas: son 74, fronte aos 78 do día anterior.

En canto aos pacientes hospitalizados, son un total de 20, 2 máis. Deles, 3 están na UCI do CHUP, 1 máis, mentres que o resto están en planta: 15 no CHUP, 1 máis, e 2 no Hospital do Salnés.

Desde o inicio da pandemia, 21.429 persoas superaron a enfermidade na área sanitaria de Pontevedra e O Salnés. En canto ás vítimas, perderon a vida 206. A última vítima é un home de 92 anos cuxa morte se informou este domingo tras dous meses sen falecementos por coronavirus na área sanitaria.

Número de novos casos diagnosticados nos concellos do Salnés a 14 días: 

Cambados                       14   

Illa de Arousa                  11    

Meaño                           -10  

Meis                              -10

O Grove                          47    

Ribadumia                       17    

Sanxenxo                        12    

Vilagarcía de Arousa         77

Vilanova de Arousa           25