PONTEVEDRA-SALNÉS: GRAN SUBA DE CONTAXIOS, ATA CASE 800 ENFERMOS ACTIVOS

Ata 154 novos contaxios por covid-19 nun só día. É a cifra máis alta dos últimos meses. A sexta onda da pandemia segue crecendo na área sanitaria de Pontevedra e O Salnés, que roza xa os 800 casos activos. Hai, en concreto, 793 persoas infectadas. Son 126 máis que onte.

A incidencia da sexta onda de coronavirus segue en aumento na área sanitaria de Pontevedra e O Salnés e xa presenta síntomas preocupantes. Se este xoves houbo 667 casos activos, este venres son 793, 126 máis.

Así o indican os datos facilitados polas autoridades sanitarias, que tamén indican que a taxa de contaxio se dispara: nas últimas 24 horas detectáronse 154 positivos, fronte aos 92 do día anterior.

Pola súa banda, son 23 os hospitalizados, 1 menos, na área sanitaria. Deles, 3 están na Uci do Chup, mentres que o resto están en planta: 18 no Chup, 1 menos, e 2 no Hospital do Salnés.

Número de casos novos diagnosticados nos concellos do Salnés aos 14 días:

Cambados                                21       

Illa de Arousa                           14       

Meaño                                    -10    

Meis                                       -10    

O Grove                                   46     

Ribadumia                                16       

Sanxenxo                                 14           

Vilagarcía de Arousa                  96  

Vilanova de Arousa                    27