PONTEVEDRA-SALNÉS: A PIQUES DE BAIXAR DOS 200 ENFERMOS ACTIVOS

Coronavirus Pontevedra-Salnés: 3 novos infectados e baixan a 204 os casos activos

A área sanitaria pontevedresa volve rexistrar soamente 3 contaxiados e segue mellorando A área sanitaria de Pontevedra e O Salnés continúa rexistrando cada vez menos contaxios de coronavirus e a media da última semana baixa a soamente 10. Os casos activos seguen descendendo a bo ritmo. Nas últimas 24 horas producíronse 3 infectados novos e 13 altas, o que fai que descendan en 10 persoas os casos activos, pasando de 214 a 204. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 3 63 O Grove 3 28 Ribadumia 3 59 Sanxenxo 25 144 Vilagarcía de Arousa 18 48 Vilanova de Arousa 3 29 Aumenta a incidencia a 14 días de Pontevedra, pero pronto volverá baixar, porque os contaxios están a descender nas últimas xornadas. Sanxenxo rexistra 17 enfermos na última semana e 25 nas últimas dúas. O número de pacientes hospitalizados baixa de 8 a 7 persoas, distribuídas en 7 pacientes no CHU de Pontevedra (4 en planta e 3 na UCI), 0 en planta no Hospital Público do Salnés e 0 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.348 casos de coronavirus, con 202 falecementos, 20.942 altas e 204 casos activos nestes momentos.