PONTEVEDRA-SALNÉS: BAIXA A INCIDENCIA EN TODOS OS CONCELLOS DO SALNÉS

Coronavirus Pontevedra-Salnés: 16 novos enfermos e baixan a 429 os casos activos A situación na área sanitaria de Pontevedra e O Salnés segue mellorando rapidamente A área sanitaria de Pontevedra e O Salnés segue mellorando a súa situación rapidamente e mantendo baixos os contaxiados. Os 16 de hoxe son menos que os 24 do sábado pasado. Nas últimas 24 horas producíronse 16 enfermos novos e 65 altas, o que fai que descendan en 49 persoas os casos activos, pasando de 478 a 429. Incidencia: Casos por 100.000 habitantes nos últimos 14 días nos concellos do Salnés:

Cambados 10 73 Illa de Arousa 3 61 Meaño 3 57 Meis 3 63 O Grove 16 150 Ribadumia 3 59 Sanxenxo 27 156 Vilagarcía de Arousa 30 80 Vilanova de Arousa 3 29 Continúa baixando a incidencia en Pontevedra cidade e toda a súa área sanitaria. O número de pacientes hospitalizados baixa de 13 a 12 persoas, distribuídas en 9 pacientes no CHU de Pontevedra (6 en planta e 3 na UCI), 2 en planta no Hospital Público do Salnés e 1 no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.223 casos de coronavirus, con 201 falecementos, 20.593 altas e 429 casos activos nestes momentos.