PONTEVEDRA-SALNÉS: A ÁREA VOLVE A BAIXAR DE 300 ACTIVOS POR PRIMEIRA VEZ DESDE O 9 DE ABRIL

-Coronavirus Pontevedra-Salnés: 12 contaxios novos e baixan a 291 os casos activos

A área sanitaria de Pontevedra e O Salnés volve restar casos activos e aos poucos mellora a súa situación, baixando dos 300 casos activos tras varias semanas. O número de infectados segue descendendo e de luns a venres producíronse 83 contaxios, en comparación cos 82 da semana pasada. Nas últimas 24 horas producíronse 12 contaxios novos e 31 altas, o que fai que descendan en 19 os casos activos, de 310 a 291 persoas. Incidencia: Casos por 100.000 habitantes nos últimos 14 días nos concellos do Salnés: Cambados 21 153 Illa de Arousa 3 61 Meaño 0 0 Meis 3 63 O Grove 3 28 Ribadumia 3 59 Sanxenxo 3 17 Vilagarcía de Arousa 27 72 Vilanova de Arousa 3 29 Volve subir lixeiramente a incidencia de Pontevedra e Marín e na área sanitaria mantense á baixa, especialmente no Salnés. Cambados segue á súa desescalada de enfermos activos e hoxe son 27, isto é, 6 casos menos que onte. O número de pacientes hospitalizados baixa de 15 a 13 persoas, distribuídas en 13 pacientes no CHU de Pontevedra (9 en planta e 4 na UCI), ningunha no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.227 casos de coronavirus, con 178 falecementos, 13.758 altas e 291 casos activos nestes momentos.