PONTEVEDRA-SALNÉS: CAMBADOS TEN MENOS DE 50 CASOS DE INCIDENCIA ACUMULADA

Coronavirus Pontevedra-Salnés: 8 contaxios novos e baixan a 276 os casos activos A área pontevedresa mellora de novo e ten 67 contaxios menos que o domingo pasado. A área sanitaria de Pontevedra e O Salnés continúa aos poucos restando casos activos e hoxe afástase definitivamente dos 300. Nestes momentos a área pontevedresa ten 67 infectados menos que o domingo pasado, e todo parece indicar que a situación seguirá mellorando, xa que esta semana rexistráronse 112 contaxios, en comparación cos 117 da anterior. Nas últimas 24 horas producíronse 8 contaxios novos e 22 altas, o que fai que descendan en 14 os casos activos, de 290 a 276 persoas. Incidencia: Casos por 100.000 habitantes nos últimos 14 días nos concellos do Salnés:

Cambados 3 22 Illa de Arousa 3 61 Meaño 3 57 Meis 3 63 O Grove 0 0 Ribadumia 0 0 Sanxenxo 3 17 Vilagarcía de Arousa 26 69 Vilanova de Arousa 3 29 Continúa ascendendo a incidencia en Pontevedra cidade e baixa en Marín. Nestes momentos o municipio que peor tendencia ten na área sanitaria é a propia Pontevedra, con 52 contaxios nos últimos 7 días e 87 nos últimos 14. Cambados baixa 4 casos activos, de 19 a 15, e reduce a incidencia acumulada a menos de 9 casos. Tan so Vilagarcía ten máis de 20 casos activos (26) no Salnés. O número de pacientes hospitalizados sobe de 12 a 14 persoas, distribuídas en 13 pacientes no CHU de Pontevedra (9 en planta e 4 na UCI), 1 no Hospital Público do Salnés e ningún no Quirónsalud Miguel Domínguez. 

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.256 casos de coronavirus, con 179 falecementos, 13.801 altas e 276 casos activos nestes momentos.