CORONAVIRUS GALICIA: EMPEORAN 4 DAS 7 ÁREAS SANITARIAS

Coronavirus Galicia: 143 contaxios novos e baixan a 2.400 os casos activos A situación en Galicia segue mellorando e os contaxios e hospitalizados mantéñense por baixo da semana pasada. O coronavirus continúa remitindo aos poucos en Galicia e hoxe baixan en 20 os casos activos en toda a comunidade, a pesar de que aumentan os casos activos en catro das sete áreas sanitarias. Os contaxios seguen sendo inferiores á semana pasada, e a diferenza é xa de 94 casos menos de luns a venres. Galicia achégase aos poucos ao mínimo de 2.167 casos activos que tivo o 4 de abril. A situación hospitalaria mellora respecto a onte, con 3 ingresados menos, os mesmos en UCI e 3 menos en unidades de hospitalización. O total de pacientes é inferior en 25 persoas a fai sete días. Hai unha semana había 146 hospitalizados en Galicia divididos en 116 pacientes de planta e 30 de UCI, e hoxe son 121 en total, con 93 en planta e os outros 28 na unidade de críticos (os mesmos que onte). As áreas máis afectadas seguen sendo A Coruña e Vigo. A área herculina baixa a 446 casos activos, con 12 contaxios. Vigo rexistra 42 infectados e baixa a 712 casos activos. Estes son os datos máis relevantes de hoxe: Os contaxios novos son máis que onte (de 130 a 143) e son 33 menos que o venres pasado. Vigo é a área sanitaria máis afectada de Galicia con 712 casos activos, e segue sendo a cidade con maior incidencia, con 104. Os casos activos baixan de 2.420 a 2.400, un descenso de 20 infectados. Baixan de 124 a 121 as persoas hospitalizadas, 25 menos que hai unha semana. A incidencia a 14 días mantense en 74 e a incidencia a 7 baixa de 37 a 36. Hoxe venres son 33 diagnósticos menos que o venres 21 de maio, procedendo dun número de probas bastante superior. Os 143 casos novos de hoxe son o 2,05% de diagnósticos positivos de 6.942 probas PCR, mentres que os 176 do venres pasado eran o 3,28% de positivos de 5.363 tests. Na web de datos do Sergas di que nas últimas 24 horas confirmáronse 145 casos de COVID-19 por PCR, pero a diferenza entre o total de infectados desde o inicio da pandemia de hoxe (126.540) e o de onte (126.397) é de 143 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 143 novos casos de SARS- CoV-2 e 163 altas, o que fai que descendan en 20 persoas os casos de coronavirus, pasando dos 2.420 de onte aos 2.400 de hoxe. O total de hospitalizados baixa de 124 a 121 pacientes, os mesmos na UCI e 3 menos en planta. O pasado xoves eran 146 hospitalizados, 25 máis que hoxe. O total de casos de coronavirus contabilizados polo Sergas desde o inicio da pandemia é de 126.540. Catro das sete áreas empeoran Hoxe empeoran catro das sete áreas sanitarias. Vigo é a área máis afectada de Galicia con 712 casos activos (-10), seguida da Coruña con 446 (-15), Santiago con 442 (+3), Pontevedra con 291 (-19), Lugo con 233 (+11), Ourense con 196 (+5) e Ferrol con 80 (+5). Vigo mantense como a cidade máis afectada de Galicia con 104 de incidencia, e A Coruña está en 71. Incidencia nas cidades A Coruña: 71 (-2) Ferrol: 27 (+1) Lugo: 67 (+2) Ourense: 81 (+1) Pontevedra: 98 (+2) Santiago: 73 (+2) Vigo: 104 (-7) Novos contaxios por área sanitaria A Coruña: 12 Ferrol: 10 Lugo: 21 Ourense: 17 Pontevedra: 12 Santiago: 29 Vigo: 42 Total: 143 O total de falecementos desde o inicio chega a 2.415 persoas, ningunha máis nas últimas 24 horas, e son 1.796 desde a nova normalidade, superando os 619 da primeira onda. O total de hospitalizados é de 121 (-3), divididos en 28 (=) na UCI e 93 (-3) en unidades de hospitalización. O total de probas PCR realizadas é de 2.236.345, delas 6.942 nas últimas 24 horas, cun 2,05% de positivos.  

Esta semana progresa algo mellor que a anterior, con 616 contaxios, 94 menos que os 710 de luns a venres da semana pasada. As últimas semanas terminaron con 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 infectados respectivamente.