SUBEN OS CASOS EN GALICIA PERO MENOS QUE EN DÍAS ANTERIORES

O coronavirus en Galicia rexistra menos contaxios por segundo día: 1.402 casos novos

Os casos activos continúan subindo e chegan a un novo máximo de 19.768, mentres que os hospitalizados son 1.154 e xa superan os peores números de marzo e abril.

Luns de malas noticias sobre a pandemia de coronavirus en Galicia, pero algunhas son menos malas que outras. A peor é, sen dúbida, que o número de hospitalizados supera o máximo desde o inicio da pandemia e chega a 1.154, superando os 1.107 do día 6 de abril. Os casos activos continúan aumentando e xa son 19.768, ao bordo dos 20.000 e preto de duplicar o máximo da segunda onda.

A noticia menos mala é que hoxe, por segundo día consecutivo, descenden os novos diagnósticos de COVID-19 en Galicia, con 1.402 casos procedentes das ao redor de 12.000 probas PCR realizadas o sábado. Son máis ou menos o mesmo número de PCR que nos últimos días, pero cunha porcentaxe de positividade inferior. Este mércores ou xoves sairemos de dúbidas e saberemos si a terceira onda chegou ao pico de contaxios novos nun día, ou ben recibiremos un novo susto, como a semana pasada.

Hoxe luns son 377 diagnósticos máis que o pasado luns 18 de xaneiro, procedendo dun número de probas notablemente superior. Os 1.402 casos novos de hoxe son o 11,18% de diagnósticos positivos de 12.536 probas PCR, mentres que os 1.025 do domingo pasado eran o 11,54% de positivos de 8.879 tests.

Na web de datos do Sergas di que nas últimas 24 horas confirmáronse 1.234 casos de COVID-19 por PCR, pero a diferenza entre o total de infectados desde o inicio da pandemia de hoxe (88.190) e o de onte (86.788) é de 1.402 persoas. Do mesmo xeito, os novos contaxios que indicamos por área sanitaria calculámolos co mesmo procedemento.

Nas últimas 24 horas rexistráronse en Galicia 1.402 novos casos de SARS-CoV-2, 14 falecementos e 612 altas, o que fai que aumenten en 776 persoas os casos de coronavirus, pasando dos 18.992 de onte aos 19.768 de hoxe.

O total de hospitalizados aumenta en 88 persoas, de 1.066 a 1.154 pacientes. O pasado luns eran 739 hospitalizados, 415 menos que hoxe. O total de casos de coronavirus contabilizados polo Sergas desde o inicio da pandemia é de 88.190.

Volven empeorar todas as áreas

Todas as áreas sanitarias galegas superan hoxe o seu máximo histórico. A mellora de Santiago de Compostela onte resultou ser un espellismo. A máis afectada é a área da Coruña, con 5.225 casos activos ( 168), seguida de Vigo con 3.542 ( 82), Santiago con 3.118 ( 195), Ourense con 2.761 ( 70), Lugo con 1.731 ( 65), Pontevedra con 1.818 ( 168) e Ferrol con 1.573 ( 29).

A cidade galega máis afectada é Ourense, con 842. A Coruña séguelle con 810 e Santiago xa supera os 700 e ten 726.

Incidencia nas cidades

A Coruña: 810 ( 20)

Ferrol: 578 (-6)

Lugo: 303 ( 19)

Ourense: 842 ( 36)

Pontevedra: 454 ( 45)

Santiago: 726 ( 56)

Vigo: 454 ( 14)

Novos contaxios por área sanitaria

A Coruña: 300

Ferrol: 106

Lugo: 121

Ourense: 150

Pontevedra: 201

Santiago: 293

Vigo: 231

Suma total: 1.402

O total de falecementos desde o inicio da pandemia alcanza as 1.622 persoas, 14 máis nas últimas 24 horas, e son xa 1.003 nesta segunda onda, superando os 619 da primeira. O total de hospitalizados é de 1.154 ( 88), divididos en 161 ( 11) na UCI e 993 ( 77) en unidades de hospitalización. O total de probas PCR realizadas é de 1.334.415, delas 12.536 nas últimas 24 horas, cun 11,18% de positivos.

Esta semana comeza peor que a anterior, con 1.402 contaxios fronte aos 1.025 do luns pasado. A semana pasada foi a peor da pandemia con 10.526 diagnósticos en Galicia, superando os 7.539 da súa semana anterior.