PONTEVEDRA-SALNÉS: A SITUACIÓN DA PANDEMIA EMPEORA

Coronavirus de Pontevedra: 62 novas infeccións e casos activos ascenden a 832

A situación na área sanitaria de Pontevedra e O Salnés segue a empeorar, pero a capital do Lérez mantense con datos baixos.

A área sanitaria de Pontevedra e O Salnés segue empeorando, como o resto de Galicia, pero faino a un ritmo notablemente inferior ao das outras seis áreas sanitarias. Hoxe ten 23 casos activos e volve aos niveis a finais de decembro, cando a área sanitaria aínda melloraba.

Nas últimas 24 horas producíronse 62 novas infeccións e 39 altas, o que fai que os casos activos aumenten en 23, pasando de 809 a 832.

A área sanitaria de Pontevedra segue empeorando, pero a incidencia da cidade de Pontevedra segue sendo relativamente baixa, especialmente cando se compara con outras cidades galegas. Na área sanitaria, A Illa de Arousa segue a ser o concello máis afectado, mentres que a zona de Caldas e Cuntis continúa cunha incidencia moi alta. Cambados sugue co seu baile e sube un caso ata 34.

O número de pacientes hospitalizados pasa de 55 a 57 persoas, distribuídos en 47 pacientes no CHU de Pontevedra (37 na sala e 10 na UCI), 9 no Hospital Público do Salnés e 1 no Quirónsalud de Pontevedra.

A área sanitaria Pontevedra-O Salnés comprende as comarcas de Pontevedra, O Salnés, Caldas (agás Valga e Pontecesures), Tabeirós-Terra de Montes (agás a Estrada) e os concellos de Marín e Bueu pertencentes ao Morrazo. Dende o inicio da pandemia tivo 7.646 casos de coronavirus, con 88 mortes, 6.726 altas e 832 casos activos neste momento.

Casos e Incidencia Acumulada nos concellos do Salnés

Cambados                                30         218-

Illa de Arousa                        56      1 137*

Meaño                                  3           57-

Meis                                          3           63

O Grove                                 13          122-

Ribadumia                                  10          198

Sanxenxo                                  33          190-

Vilagarcía de Arousa                  99           264*

Vilanova de Arousa                  21           204*

* Concellos que pasan a estar confinados

- Concellos "desconfinados"