UN XUÍZ QUE PASOU POR CAMBADOS, NO TRIBUNAL SUPREMO

O Pleno do Consello Xeral do Poder Xudicial elixiu hoxe ao maxistrado Leopoldo Puente Segura, actualmente destinado na Sección de Apelación da Sala Civil e Penal do Tribunal Superior de Xustiza de Madrid, para a praza da Sala Segunda do Tribunal Supremo vacante pola xubilación de Alberto Jorge Barreiro.

Puente obtivo 19 dos 21 votos do Pleno. Os vogais Álvaro Cuesta e Concepción Sáez votaron en branco. O novo maxistrado da Sala Segunda do alto tribunal aprobou en 1990 as oposicións ás Carreiras Xudicial e Fiscal e, tras solicitar a excedencia voluntaria nesta última, comezou a exercer as súas tarefas xurisdicionais no Xulgado de Primeira Instancia e Instrución número 2 de Cambados. Máis tarde serviu en Xulgados de Primeira Instrución de Huelva e de Segovia, ata que en 1996 incorporouse como maxistrado á Audiencia Provincial de Cuenca e, en 2010, á Audiencia Provincial de Madrid. Desde 2018 está destinado na Sección de Apelación da Sala Civil e Penal do Tribunal Superior de Xustiza de Madrid. Leopoldo Puente conta con experiencia docente como profesor asociado da Universidade de Castela-A Mancha, onde impartiu as materias de Dereito Penal e Dereito Penal Económico, e é autor de varias monografías -como “La conformidad en el proceso penal español” o “Suspensión y sustitución de las penas”-- e doutros artigos e publicacións doctrinais.