A ÁREA PONTEVEDRA-SALNÉS CONTINÚA EMPEORANDO

A área sanitaria do Salnés continúa empeorando progresivamente e mantéñense en alerta vermella os municipios de Poio, Pontevedra e Vilagarcía de Arousa. Nas últimas 24 horas producíronse 60 novos contaxios de coronavirus, 1 falecemento e 28 altas, o que fai que suban en 41 os casos activos, pasando dos 564 de onte a 595 hoxe.

Hai algúns cambios nos municipios máis afectados por coronavirus na área sanitaria: Vilanova de Arousa baixa alerta amarela e Sanxenxo volve estar nese nivel de alerta. Alerta nivel 3 (vermella): Poio, Pontevedra e Vilagarcía de Arousa. Alerta nivel 2 (laranxa): Marín e Vilaboa. Alerta nivel 1 (amarela): Caldas de Reis, Cambados, Cuntis, Sanxenxo e Vilanova de Arousa. O número de pacientes hospitalizados baixa de 39 a 37 persoas, distribuídos en 32 pacientes no CHU de Pontevedra (26 en planta e 6 na UCI) e 5 no Hospital Público do Salnés. Na área sanitaria de Pontevedra-O Salnés desde o inicio da pandemia tivo 2.872 casos de coronavirus, con 28 falecementos, 2.249 altas e 595 casos activos nestes momentos.

A día de hoxe en Cambados hai 16 enfermos activos, 2 menos que onte. O que quere decir é que baixa por segundo día consecutivo.