Por terceiro dia de forma consecutiva a área sanitaria de Pontevedra e O Salnés rexistrou unha baixada do número de casos activos de coronavirus. Hoxense mércores contabiliza 786, sete menos que o día anterior, aínda que segue sumando cada día novos positivos.
Segundo o balance oficial do Servizo Galego de Saúde, nas últimas 24 horas confirmáronse 19 novos positivos de pacientes, aínda que como se produciron 26 altas, en realidade, o número de casos activos reduciuse en sete.
En canto á presión asistencial, tamén se reduciu lixeiramente ao pasar a 21 pacientes os hospitalizados na área sanitaria, un menos que o día anterior.
Hai 16 pacientes ingresados en planta de hospitalización, un menos. Hai 13 no Complexo Hospitalario Universitario de Pontevedra, 1 no Hospital QuirónSalud Miguel Domínguez Pontevedra e 2 no Hospital do Salnés.
Non hai cambios en canto aos pacientes máis graves ingresados na UCI. Así, mantéñense 5 pacientes na unidade de Coidados Críticos do Hospital Montecelo.
Están en seguimento domiciliario o resto de pacientes con resultado positivo, é decir 765.
Nesta área sanitaria curáronse xa 1.352 pacientes, 26 nas últimas 24 horas, e faleceron 19 pacientes.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.