O MERCADO DE CAMBADOS VOLVERÁ O MÉRCORES 13

Os concellos poden desde este luns renovar a celebración de mercados locais de produtos agroalimentarios, cuxa reapertura está permitida por orde da Xunta aplicando unha serie de medidas preventivas extraordinarias para evitar contagios.
Como anunciara a pasada semana o conselleiro do Medio Rural, José González, desde este luns permítese a reapertura dos mercados locais —que dependen das administracións municipais—, pechados desde mediados de marzo por orde da Xunta, que considera que a "evolución positiva" nos datos da pandemia permite retomar esa actividade "moi importante no rural galego".
A resolución da Consellería do Medio Rural establece unha serie de medidas de seguridade e prevención adicionais co obxectivo de evitar contagios. Deste xeito, só permitirase a venda de produtos agroalimentarios e o aforo, tanto de postos como de persoas, verase reducido. Así, o número de postos estará limitado ao 25% dos habituais e a afluencia de persoas deberá cinguirse a un terzo do aforo establecido, segundo detalla a Xunta nun comunicado.

Vilagarcía tiña programa para mañán a apertura pero finalmente posponse para o martes 12. Cambados xa decidira a semana que ven.
O mércores 13 de maio Cambados permitirá que pouco máis de 10 postos de produtos da horta e alimentación que xa viñan a vender os seus productos antes do peche pola pandemia. E farano no seu novo emprazamento na Rúa Nova.