BAIXA A PRESIÓN SOBRE AS UCI´s GALEGAS.

Segue diminuíndo a presión sobre as UCI galegas, á luz dos últimos datos difundidos polo Ministerio de Sanidade: son 128 os pacientes en Coidados Intensivos, fronte aos 133 da véspera. Xa superaron o coronavirus un total de 1.298 persoas. O total de positivos desde que deu inicio a pandemia é de 7.708.

111 novos casos de coronavirus en Galicia rexistrados hoxe 15 de abril fan un total de 7708 na comunidade. O crecemento de hoxe é lixeiramente superior ao de onte, cando se rexistraron 103 casos novos, pero practicamente a metade que o mércores pasado, cando houbo 207 contaxiados. Confírmase que a pandemia segue remitindo en Galicia e todos os os indicadores.

A Consellería de Sanidade informa de que a cifra de positivos alcanza as 6.019 persoas en Galicia, 46 máis que a véspera. Son 391 os falecementos, dos que 92 producíronse en residencias e 82 corresponden a usuarios de centros de maiores que perderon a vida en hospitais e residencias integradas. Este martes faleceron outros cinco anciáns en centros residenciais: un Matogrande (A Coruña), outro en Foz (Lugo), un terceiro en Cangas e dous máis en San Lázaro (Santiago).

Do total de positivos, 128 pacientes atópanse en UCI, como xa avanzou o Ministerio de Sanidade, 746 en unidades de hospitalización (13 máis que o día anterior) e 5.145 en domicilios (+38). Por áreas sanitarias, a desagregación é o seguinte: 1.280 na Coruña, 589 en Lugo, 1.193 en Ourense, 505 en Pontevedra, 1.085 en Vigo, 1.029 en Santiago e 338 en Ferrol. Ademais, o Sergas informa de que xa se levaron a cabo máis de 50.000 PCR.