CONFIRMADOS 4 DOS CONCERTOS DA FESTA DO ALBARIÑO´19

Como anunciamos onte, O Departamento de Cultura do Concello de Cambados ven de anunciar parte do programa musical da LXVII Festa do Albariño, que terá lugar en Cambados do 31 de xullo ao 4 de agosto. Esta é a primeira edicióndesde que Festa fose declarada de Interese Turístico Internacional, contará coa presenza de Treixadura o mércores 31 e a madrileña Christina Rosenvinge e a cantautora chilena Javiera Mena  ou a galega Luz Casal, que ofrecerán a súa música na Praza de Fefiñáns o xoves 1 e o venres 2 de agosto, respectivamente.

Queda por confirmar cal será a actuación do sábado 3 pero todo parece indicar que será un concerto de pago dun grupo de nivel internacional.