A ACTIVISTA CONTRA AS DROGAS CARMEN DURÁN VISITA LA LÍNEA

O alcalde de La Línea de la Concepción, Juan Franco, e o tenente de alcalde delegado de Asuntos Sociais, Helenio Lucas Fernández, recibiron á cambadesa Carmen Durán, vicepresidenta da Fundación Internacional “Baltasar Garzón”, membro de Mulleres pola Paz e o Desarmamento, profesora e activista contra o tráfico de drogas. da cidade pontevedresa de Cambados. Durán promove desde as organizacións ás que representa un cambio na sociedade desde a educación, pois considera que os currículos do ensino están desfasados e non responden as necesidades dos cidadáns actuais. Sostén que a política debe dar resposta ás inquietudes sociais, unha das cales é o tráfico de drogas. Esta secuela que golpea a La Línea de la Concepción ten moito en común coa situación vivida anos atrás en Cambados, motivo polo que Carmen Durán visita a nosa cidade onde mantivo un encontro de traballo co alcalde e participou na sesión do TRIS (grupo de traballo en rede para a inclusión social) co obxectivo de intercambiar experiencias. A súa vinculación ás aulas como profesora e membro da asociación Esperta Cambados déronlle a coñecer a repercusión do narcotráfico en Galicia e o enorme cambio que supuxo a Operación Nécora, o primeiro gran golpe contra os narcotraficantes da Ría de Arousa, promovido na década dos 90 por Baltasar Garzón desde a Audiencia Nacional. Unha vez que a xustiza adoptou medidas mais restritivas contra o narcotráfico, tanto no parlamento galego como a través de lexislación estatal, o Plan Nacional sobre Drogas, etc., o reto é transformar a sociedade. O compromiso de Durán cos movementos de educación para a paz levárona á Fundación Internacional “Baltasar Garzón” para a divulgación dos dereitos humanos, a xustiza universal e a proximidade da xustiza á cidadanía. A través das análises que realiza para este organismo, considera que os currículos escolares están desfasados: “a pedagoxía debe ser mais participativa, mais integradora e mais crítica, en consonancia cos nosos tempos, desde o local ao universal”, asegura. Por iso, avoga por unha evolución desde as universidades na formación do profesorado para conseguir transformar o ensino a todos os niveis. Aínda que a fundación asinou convenios coa universidade galega, cre que este cambio debe realizarse en todo o territorio nacional. Para iso, pretende facer unha fronte común que o promova, motivo polo que quixo coñecer a experiencia linense. O alcalde mostrouse satisfeito tras a reunión con Carmen Durán, á que agradeceu o seu interese pola problemática da cidade e os seus esforzos na mellora da convivencia social.