NO 2019 TODOS OS CONCELLOS DO SALNÉS PERCIBIRÁN MÁIS INVESTIMENTOS DO PLAN CONCELLOS

O Goberno da Deputación destinará á comarca do Salnés un total de 8.474.375,83 euros, o que supón un incremento do 3,25 %. Máis polo miúdo, a institución provincial pon á disposición de Vilagarcía de Arousa 1.459.802,75 euros, un 3,3 % máis que no 2018. Sanxenxo contará con 1.184.683,9 euros, un 3,1 % máis que o ano pasado; no caso de Cambados, o Goberno de Carmela Silva destina 978.374,84 euros; un 2,8 %; O Grove ten á súa disposición 821.581,47 euros, un 3,01 % máis que en 2018; en canto a Vilanova de Arousa, contará con 783.141,03 euros, o que supón case un 3,2 % máis que no exercicio anterior; con respecto a Valga, disporá de 538.232,16 euros, un 5,5 % máis que en 2018; a Meaño irán 515.205,28 euros, un 3,1 % máis que no pasado exercicio; en canto a Meis, disporá de 493.833,62 euros, case un 3,2 % máis que en 2018; para Ribadumia irán 480.493,42 euros, un 3,06 % máis; en canto a Catoira, terá á súa disposición 426.791,7 euros, un 3,04 % máis que no pasado exercicio; no caso da Illa de Arousa, contará con 426.411,35 euros, un 2,9 % máis que o ano pasado; e por último destina a Pontecesures 365.824,31 euros, un 2,9 % máis que no 2018.

Ata agora, na comarca do Salnés os investimentos do Plan Concellos dos últimos tres anos financiaron a realización de 300 obras e a creación de 659 empregos.