QUE TRAERÁ A DECLARACIÓN DE FESTA INTERÉS TURÍSTICO INTERNACIONAL DA FESTA DO ALBARIÑO?

A Festa do Albariño de Cambados conseguiu o recoñecemento de Interese Turístico Internacional. Tras máis de oito anos de xestións e trámites municipais, o Goberno de España comunicou esta mañá ao Concello de Cambados a tan esperada declaración que contaba con todos os informes favorables da Xunta desde o pasado mes de agosto. Trátase da máis alta distinción para un evento destas características e levará, ademais, maiores achegas e axudas económicas por parte das distintas administracións.

Así mesmo, implicará que a Festa do Albariño estea presente con accións promocionais nas principais feiras turísticas a nivel nacional e internacional.

A alcaldesa de Cambados, Fátima Abal, expresou hoxe a súa satisfacción polo recoñecemento, "unha débeda histórica con esta festa", e que supoñerá importantes repercusións para a vila e a comarca do Salnés a nivel turístico e económico, así como para o sector vitivinícola. A Festa do Albariño de Cambados adquire deste xeito, unha distinción coa que tamén conta a Romaría Viquinga de Catoira, rápaa dás Bestas de Sabucedo ou o Festival Intercéltico de Ortigueira. Tras un 2017 marcado por ser a "Cidade Europea do Viño", Cambados espera con ansia a próxima LXVII edición da Festa do Albariño, agora si, máis internacional que nunca.