COMEZA A EXTRACCIÓN DE CENTOLA E BOI DE MAR

A Consellería do Mar abre este luns a campaña extractiva da centola e o boi de mar nas provincias da Coruña e Pontevedra. Nas áreas que van da Guarda a Cabo Corrubedo (Pontevedra) e de Cabo Corrubedo a Cabo Estaca de Bares (A Coruña), a frota con porto basee nestas zonas e que se dedica á extracción destas especies poderá calar os aparellos a partir das 00.00 horas desta madrugada e levar os primeiros exemplares á lonxa este mesmo luns. A campaña na zona que vai de Cabo Estaca de Bares ao río Eo (Lugo) comezará o 3 de decembro. A cota máxima de captura establécese en 35 quilos por barco e día, ao que se engadirán outros 35 quilos por cada tripulante.