ACTIVIDADES SMARTPEME DO MES DE XUÑO

O PROXECTO SMARTPEME DA DEPUTACIÓN LEVARÁ A CABO SEIS 

CURSOS EN XUÑO NO CENTRO EXPOSALNÉS DE CAMBADOS

SmartPeme é un programa de asesoramento no ámbito das TIC da institución provincial destinado ás persoas emprendedoras e ás pemes da provincia

O Centro ExpoSalnés de Cambados acollerá, durante todo o mes de xuño, seis obradoiros ao abeiro do programa SmartPeme da Deputación de Pontevedra. SmartPeme ofértalles ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de persoas empresarias e de mozas e mozos autónomos.

As quendas para o mes de xuño, todas elas en horario de 19:00 horas, son as seguintes:

Desenvolve a túa propia estratexia de email marketing  6 de xuño

Vende os teus productos de alimentación sen intermediarios  8 de xuño

Emprego de vídeos nas redes sociais: Youtube, Periscope…   14 de xuño

Sácalle partido á túa conta de Gmail  21 de xuño

Fotografía os teus produtos ou servizos para as redes sociais  27 de xuño

Aprende a xestionar o teu negocio con follas de cálculo  29 de xuño