ACTIVIDADES "SMARTPEME" DE FEBREIRO EN CAMBADOS

O proxecto SmartPeme da Deputación levará a cabo cinco cursos en febreiro no Centro Exposalnés de Cambados

SmartPeme é un programa de asesoramento no ámbito das TIC da institución provincial destinado ás persoas emprendedoras e ás pemes da provincia

O Centro ExpoSalnés de Cambados acollerá, durante todo o mes de febreiro, cinco obradoiros ao abeiro do programa SmartPeme da Deputación de Pontevedra. SmartPeme ofértalles ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de persoas empresarias e de mozas e mozos autónomos.

As quendas para o mes de febreiro, todas elas en horario de 19:00 horas, son as seguintes:

- Xestiona o teu negocio dende o móbil 06/02/2017

- A túa información sempre a mán: almacenamento na nube 09/02/2017 

- Como mellorar a percepción dos teus clientes cos teus correos 16/02/2017

- Deseña sinxelamente imaxes abraiantes e profesionais 21/02/2017

- ¡Adeus ao papel! Coñece as claves para a dixitalización documental 28/02/2017