2º DOCUMENTAL DO CICLO MEMORIA E VIDA O SÁBADO EN EXPOSALNÉS

Este vindeiro sábado 8 de outubro terá lugar a proxección do segundo documental da serie Memoria e Vida que durante este mes encherá o Salón de Exposalnés de historia de Galicia.
Sábado 8 en Exposalnés as 20:30 hrs.

Ao comezo da Segunda Guerra Mundial un mineral fíxose necesario para o Estado alemán: o volframio. Galicia converteuse no El Dorado para moitas persoas que procuraban diñeiro fácil ou simplemente un traballo naqueles duros anos da posguerra española. Mineiros, aventureiros, guerrilleiros, gardas civís e presos políticos, conviviron nos montes galegos e entrecruzaron as súas vidas. Esta é a súa historia contada polos propios protagonistas. DVD dispoñible no CGAI. 

Palmarés: Primeiro premio na III Muestra de Documental Etnográfico de Sobrarbe “Espiello” (Huesca 2005).