NOVA NOVELA DE RAMÓN CARIDE A VENDA

Liquidación de existencias

Hai uns dia escribíamos sobre como uns textos de Ramón Caride eran musicalizados por o productor musical Iago Lorenzo e os fotógrafos Sara Caride e Juan Rey.

O libro-CD, en formato digipack, que vén de aparecer no mercado é o primeiro froito desta

colaboración creativa que terá continuación o vindeiro ano coa segunda entrega, "As Flores Salgadas", actualmente en fase de pre-producción.

Hai un mes saleu avenda a nova novela de Ramón Caride Liquidación de Existencias.

Liquidación de existencias contén historias que aparentan estar collidas das rúas, ou das novas dos xornais. Tan asombrosas, tan aterradoras, tan cómicas e tan absurdas que abalan entre a empatía e o noxo. Talmente como a vida. O mundo como un inmenso Polígono Outlet no que todo está de saldo. Materias, experiencias, formas, sentimentos, corpos e soños. Se non podemos cambiar o presente, liquidemos o futuro. Así, como cadre. Nada está fóra do mercado. Vivimos nunha exposición permanente. Oxidación continua e renovación de catálogos. Tamén nos seres humanos. Sobre todo neles. A mellor publicidade é boca a boca. Non se fíe da pantalla. As dimensións da vida axústanse, por definición, ao tamaño do respectivo espazo comercial. Todo está de sobra, pero nunca hai abondo. A biodiversidade en regresión e os sucedáneos en alza. Atope as diferenzas. A vida en modo apocalipse selfie. Se non podes facelo, non perdas tempo en contalo.