DATOS DISPARES DA PROBA DE AVALIACIÓN DE COMPETENCIAS

A Confederación de ANPAS de centros públicos asegura que tan só o 40 por cento dos alumnos de Terceiro de Primaria realizaron hoxe a proba de avaliación de competencias. 
Helena Gómez, presidenta de CONFAPA Galicia, situou a maior abstención nas zonas rurais e na provincia de Ourense.
Mañá rematan as probas ás que están convocados 22.000 alumnos de 800 colexios galegos. 
Para a Xunta os datos son ben diferentes e sitúa nun oitenta por cento do alumnado galego que realizou hoxe a avaliación de competencias de terceiro de primaria. Así o subliñou o Conselleiro de Educación, Román Rodríguez, que considera "unha porcentaxe pequena" a que non acudiu aos centros escolares.