ACCIDENTE CON FERIDOS NO TERRÓN

Un accidente no que se viron involucrados dous coches deixou tres feridos no Terrón (Vilanova de Arousa), na estrada de Vilanova a Illa. A chamada dun particular ás 12:24 horas desta mañá alertaba ao CAE 112 Galicia que, de inmediato, se poñía en comunicación con Urxencias Médicas, Garda Civil de Pontevedra, Policia Local e Protección Civil de Vilanova de Arousa. Segundo informou o particular que chamou o 112 para pedir axuda, un dos feridos -inconsciente- presentaba dificultades para ser sacado do coche. Por iso, o centro de atención ás emerxencias, requiriu a presenza dos Bombeiros do Salnés. No momento de redactar esta nova os servizos de emerxencia continúan no lugar do sinistro.