A DUQUESA DE ALBA EN GALICIA

Un dos moitos títulos que herdou Cayetana de Alba en 1955 foi o de condesa de Lemos i en Monforte de Lemos cada pedra fala dos vínculos con este señorío. A Torre da Homenaxe e o Colexio dos Escolapios, as edificacións máis emblemáticas do concello seguen baixo o control da Fundación Casa de Alba pero cedidas a administracións públicas. A Casa de Alba ten numerosas posesións en Galicia. Sen contar terreos e leiras posúe bens inmobles nas catro provincias. É propietaria de castelos en San Sadurniño, Moeche e Pontedeume, de varias edificacións históricas en Monforte de Lemos, das fortalezas de Monterrei e Castro Caldelas e das covas medievais de Salvaterra de Miño.
A memoria histórica de Pontedeume está vinculada ao condado dos Andrade, que co paso dos séculos pasaría a ser propiedade da Casa de Alba. Neste concello mantense en pé o pequeno castelo dos Andrade, que moita xente confunde coa torre que está no centro da localidade. Nesta zona da Coruña e no resto da provincias galegas os Alba seguen sendo posuídores de númerosos bens inmobles, terras e leiras.