TI NON ERES DE CAMBADOS..................

Para todo aquel de Cambados de nacemento ou adopción. Este grupo créase para lembrar todos aqueles lugares, situacións, persoas que xa non existen pero con fonda tradición na sociedade cambadesa, sobre todo dos nacidos ata os 80, pero sen excluir aos máis xóvenes que tamén teñen a sua, máis curta pero fermosa historia.

Así define o creador do grupo "Ti non eres de Cambados......" que en pouco máis de duas semanas alcanzou os case os 1000 membros.

Máis de 1500 frases contribuen a lembrar aquelas cousas que estaban gardadas na memoria e que agora saen para facernos botar un sorriso.

Frases de todo tipo fannos retroceder anos e lembrar o que se facía en Cambados hai 30, 40 ou máis anos, maioritariamente pero tamén os máis novos lembran o seu pasado máis recente.

"TI NON ERES DE CAMBADOS......." 

" Ti non eres de Cambados si non te acordas das butacas de madeira do cine Avenida"

" Ti non eres de Cambados se non probaches a empanada de Pepita "A Ardilla" 

" TI NON ERES DE CAMBADOS....Si non sabes que detras da TORRE ...no "LOMBO BLANCO" naceu un home conocido de CAMBADOS no mes de Outubro fai 75 anos...que a nai levouno para a casa enrolado no mandíl e dentro do caldeiro"

"  Ti non eres de Cambados si nunca coincidistes cun Millán no campo de fútbol ....( que é casi imposible non coincidir pero bueno)...."

E así centos e centos de frases.
Pero a palma de todoas é " TI QUE PRESUMES DE SER DE CAMBADOS , e estes dias o MITOSULFITO QUE LEVA O LOMBO O ALBARIÑO , vaiche espabilar as Neuronas ... propoñoche que vaias escribindo de baixo , palabras do noso vocabulario que estan desaparendo , por exemplo = VARAJERA , HACHES BES SIN FIN , VALIXERO..........................." que leva máis de 250 contestacións

Un grupo que na nosa humilde opinión complementa a outro de gran éxito como é  "FOTOS DE CAMBADOS" que serve para lembrar o Cambados do pasado de forma máis visual.