POR DEREITO RECIBE EN SANTIAGO A UN PEREGRINO MOI ESPECIAL

Foto> POR DEREITO

Onte chegaba á praza do Obradoiro Luis, o pai de Lukas, un neno con autismo de Málaga. Xunto con dous amigos iniciou en bicicleta o Camiño en Roncesvalles o 3 de agosto para facer visible este trastorno.
Ali estaban para recibilo membros da asociacion POR DEREITO.
Sofren a dureza do Camiño de Santiago como todos os peregrinos, pero Luís e os seus dous amigos non son un máis. Levaron de albergue a albergue o manifesto polo autismo.
El tamén é mestre e loita porque se implante a figura do "voluntario sombra". Queren que se invista en investigación para saber o porqué do aumento de casos en rapaces.
"Pódenos tocar a calquera. Ata que non che toca non sabes o verdadeiro problema. Póñenche moitos impedimentos, están sempre... aínda que non cho digan pero coa voz pequena afástante un pouco e é unha desgraza, os rapaces non teñen culpa disto", di.

Foto>TVG

Quixo aproveitar a popularidade do Camiño para contribuír á concienciación da xente, e na ruta xa foi atopando persoas que se sumaron á súa causa. A iniciativa faise no marco de "Hasta luego Lukas, recorriendo millas" para facer visible o autismo a través de retos deportivos.