FUTUROS TALENTOS EN CAMBADOS

Unha das cousas que máis intriga cando imos ver unha obra de teatro é o que pasa detrás do escenario, entre bambolinas. Os máis pequenos de Cambados hoxe tiveron a oportunidade de descubrir todos os segredos dunha representación teatral, nun obradoiro creativo chamado "O lapis máxico"... porque poucas cousas hai tan máxicas coma a interpretación.  Un obradoiro creativo de propostas escénicas a cargo de Teatro Buratini no que mozos e nenos a partir de 6 anos poderán descubrir os segredos dunha representación teatral en varias sesións.
Quen sabe se entre os cativos da casa temos unha promesa do cine ou do teatro. Seguro que en Cambados temos algún futuro actor.
O mellor xeito de descubrilo é potenciando o seu talento e a súa creatividade nun obradoiro teatral no que os nenos acabarán representando a súa propia obra.