ACCIDENTE NA VÍA RÁPIDA DO SALNÉS

Un espectacular accidente rexistrábase no tramo da autovía GR-41 en Ribadumia sobre a 1:15 da noite deste mércores 27 no quilómetro 9 ao saírse da vía un vehículo no tramo entre Meaño e Meis. O turismo, por causas aínda por determinar, impactaba contra a mediana, segundo informaban os Bombeiros do Salnés, e envorcaba na estrada. Outro turismo que circulaba por esa zona da Vía Rápida golpeábao por detrás ao non conseguir frear ao encontrarse co vehículo accidentado.

Os dous condutores, segundo datos facilitados por Protección Civil de Cambados, resultaron feridos. J. M. F. de 52 anos, sofre dor cervical e traumatismo na perna esquerda e J. R. de 30 anos de idade, ten un pulso roto e posiblemente un dos brazos tamén sufriu unha fractura, ademais de traumatismo torácico grave.
As dúas persoas feridas foron trasladadas ao Hospital Domínguez de Pontevedra polo 061 e por unha unidade de Protección Civil de Cambados.