O CAMBADÉS J.L. COSTA PILLADO TOMA POSESIÓN DO SEU CARGO

Ás dez comezaba a toma de posesión dos novos membros do Consello Consultivo de Galicia.

Trátase da inspectora de Finanzas do Estado Ana María Otero López, nomeada polo presidente da Xunta, e de dous maxistrados e un letrado designados polo Parlamento en proporción á representación dos grupos: José Luis Costa Pillado, Ignacio Arangúrez Pérez e José Abelardo Blanco Serrano.

A función deste órgano é emitir ditames en tódolos asuntos que sometan á súa consulta a Presidencia da Xunta, o Goberno galego, as administracións do sector público autonómico, as entidades locais e as universidades públicas de Galicia.