AS AUTOVÍAS VANNOS COSTAR MÁIS CARTOS?

XA COSTOU A SUA CONTRUCCIÓN A AGORA PODEN TRAER MÁIS GASTO AOS GALEGOS
A Consellería de Medio Ambiente, Territorio e Infraestruturas ten acreditado con diferentes informes de carácter técnico, económico e financeiro que as concesionarias das autovías do Salnés e do Barbanza están en risco real de entrar en concurso de acredores, o que implicaría a inviabilidade de ambas concesións, polo que a Axencia Galega de Infraestruturas está a buscar as solución menos gravosa para o erario público cun único obxectivo: que autovías sigan operativas e prestando o mellor servizo aos cidadáns sen repercusión ao usuario e co menor custe para a Administración.
Así o trasladou esta mañá a directora da Axencia, Ethel Vázquez, na súa comparecencia na Comisión 2ª Ordenación Territorial, Obras Públicas, Medio Ambiente e Servizos da Cámara galega, durante a que explicou que as sociedades concesionarias do Salnés e do Barbanza teñen solicitado, ante esta situación, o reequilibrio económico do contrato de concesión, petición que está sendo analizada pola Xunta de Galicia.

Segundo explicou Vázquez, a situación ven dada en boa parte polas caídas de tráfico en ambas infraestruturas, de xeito que as intensidades medias diarias (IMD), en base ás que se establece o canon de demanda que a Xunta aboa anualmente ás concesionarias, teñen o seu efecto directo en que as empresas non logran os ingresos suficientes para facer fronte aos gastos financeiros derivados da construción e explotación da autovía.
A directora da AXI apuntou que no caso da autovía do Salnés, o tráfico que circula pola concesión empezou sendo cerca dun 22,5% inferior ao estimado, porcentaxe que no 2013 acadou o 40,5%. As porcentaxes no Barbanza son dun 28,6% menos ao inicio da concesión, e dun 42% en 2013.
Ethel Vázquez asegurou que A Xunta de Galicia está a analizar este problema, as consecuencias de que as concesións entren en concurso de acredores, así como as alternativas para que isto non suceda.