ROUBA NA CASA DUN FAMILIAR

A Garda Civil detivo a S.M.N., de 43 anos de idade e veciño de Vilagarcía de Arousa, como suposto autor dun delito de furto de xoias nun domicilio de Cambados.

Onte xoves día 22, foi presentada unha denuncia no Posto da Garda Civil de Cambados na que a denunciante manifestou que lle subtraeran as xoias que tiña gardadas nun xoieiro e nun tocador. A investigación deu como resultado a detención, no mesmo día, do suposto autor do feito delictivou e a recuperación da totalidade das xoias subtraídas.

S.M.N., aproveitando a condición de familiar dos propietarios do domicilio e que estaba a vivir con eles dende hai uns meses, se apoderou das xoias e as vendeu nos locais habilitados para iso.

O detido, que conta con antecedentes policiais, quedou en liberdade coa obriga de presentarse ante o Xulgado de Instrución número catro dos de Cambados.