O PARO BAIXARÁ EN SETEMBRO PARA CONFIRMAR AS VERBAS DE LOUZÁN

 

O datos serán bos durante uns dias para despois volver a triste realidade. 

As grandes adegas preparan xa as contratacións de temporais para a campaña da vendima 2013.

A crise incrementou as inscricións multiplicando o número de demandantes e cambiando o tradicional perfil dos inscritos, antes dirixido a mulleres e estudantes, e agora copado por desempregados de todos os sectores profesionais, maioritariamente da construción.

 

No Salnés, boa parte das adegas da subzona da Denominación de Orixe Rías Baixas, non asumen a selección de persoal, deixando esa labor as ETT`s.

 A oferta é para vendimadores con ou sen experiencia, aínda que debido a grande cantidade de candidatos os que conten con experiencia teñen algo de ventaxa.

Ademais o temporeiro deberá ter dispoñibilidade horaria de mañá e tarde de luns a domingo, posto que o noso impredecible clima obriga a vendimar en calquer dia da semán.

As estimaciós prevén que se comence coa vendima a mediados do mes de setembro, cando algunhas adegas empecen e así paulatinamente ata completar a totalidade de adegas.

Segundo fontes do sector, sindicatos agrarios e bodegueiros, estímase que para esta vendima se contratarán uns 2.000 temporeiros. A esta cifra hai que sumar os viticultores inscritos, que o pasado ano foron 6.714 viticultores e 180 adegas segundo datos ofrecidos polo Consello regulador desta Denominación de Orixe.

Estas mesmas fontes estiman que poderían ser unhas 20.000 persoas as que participen na vendima de Rías Baixas.