HOMENAXE A ROSALÍA E CASTELAO

Galiza Nova reivindicará este 24 de Xullo a dúas das figuras máis importantes da nosa cultura e da nosa nación, dous símbolos e exemplos para toda persoa que defenda día a día os dereitos que como nación nos corresponden.

A homenaxe, que se realizará en San Domingos de Bonaval, no Panteón de Galegos Ilustres, terá lugar o mércores 24 de xullo ás 17:30h.

 
Contarán coas actuacións musicais do cantautor TINO BAZ e da cantante e estudante ALBA RODRÍGUEZ, e coa participación da trialtleta e adestradora ALBA CUBA, do actor CÉSAR CAMBEIRO e do poeta e baixista dos Terbutalina, SAMUEL LEMA. O Himno correrá a cargo do gaiteiro XOSÉ MANUEL SÁNCHEZ REI e intervirán o Secretario Xeral de Galiza Nova, ALBERTE MERA, e XAVIER VENCE, Portavoz Nacional do BNG.

"Se o resto do ano o Panteón está frío porque a Igrexa non gusta de que o pobo galego honre e visite aos nosos símbolos nacionais, nesta véspera da Patria vaise notar a calor de todas aquelas mozas e mozos que queremos ser donas e donos do noso futuro! "