OS VECIÑOS DA CONTORNA DA PRAZA BELECO PREOCUPADOS

Unha empresa eléctrica solicitou licenza no Concello de Cambados para a instalación dun transformador na praza de  Beleco, que se atopa na contorna da avenida de Vilariño.

Segundo o Bloque Nacionalista Galego, os veciños están preocupados, polo que se puxeron en contacto con esta organización para que solicite información.

No Concello explican que polo momento non hai nada decidido, e que os técnicos aínda están analizando a petición e os documentos presentados pola empresa.

O BNG presentou onte por rexistro un escrito, no que se interesan polo asunto e solicitan permiso para consultar o expediente. Segundo os veciños afectados e o propio Bloque, o transformador non debería levantarse sobre terreo público.

A praza de Ou Beleco atópase rodeada de edificios de vivendas e casas unifamiliares, e conta cun parque de xogos infantís. Os veciños temen a instalación do transformador, ao entender que as radiacións electro magnéticas poden ser perjudiciales para a saúde humana.


Nova recollida de Faro de Vigo