OS AFECTADOS POLAS PREFERENTES "VISITARÁN" A RAJOY

Artigo publicado o sábado dia 1 de setembro por Cores de Cambados en ASOBLOG




Os afectados polas participacións preferentes e subordinadas de Novagalicia Banco(NGB) concentraranse nun acto de protesta con motivo do inicio do curso político do PP hoxe sábado na localidade pontevedresa de Soutomaior. 

Afectados durante o desfile do Albariño

Mariano Rajoy coma en anos anteriores inaugura en Soutomaior a tempada política e os afectados polas preferentes non queren deixar pasar a oportunidade de facerse ver i escoitar.
Calcúlase que preto de 2000 afectados “darán a benvida a Galicia a Rajoy” segundo declaracións de José Manuel Estévez portavoz dos Afectados de Vigo-Val Miñor.

Tras o Real Decreto de onte do Governo Rajoy no que a normativa da máis poder ao FROB e a o Banco de España “para liquidar e disolver unha entidade de crédito” caso no que o Fondo de Garantía de Depósitos carecería de “fondos para indemnizar a todo o mundo”.“Hai unha serie de vías legais abertas i encontrámonos con que non teríamos a quen denunciar no caso de que se liquiden as entidades” argumentou. Ademáis fixo fincapé en que o problema “non é galego” senón “de carácter nacional” pois por exemplo “se cerra a CAM repercute en nos, se cerra Caixa Catalunya tamén”.

Afectados diante de unha sucursal

Criticou a Núñez Feijóo por permitir a fusión de duas entidades en mala situación e “nos pagamos as consecuencias”. “O que fixo foi fundir o que tiña que ser o gran banco galego”. Nas próximas eleccións do 21 de outubro o problema das preferentes “pódelle costar centos de miles de votos” a o actual Governo da Xunta.

O xoves os afectados protagonizaron un novo acto de protesta, esta vez na sede de NGB e que rematou diante do edificio da Xunta en Vigo.