E.U. BUSCA UNHA FRONTE COMÚN DE ESQUERDAS

A coordinadora nacional de Esquerda Unida, Yolanda Díaz, comentaba onte que a súa idea de crear unha Syriza galega para o que reclamou unha negociación "sen prexuízos" con todos os grupos de esquerda, incluída a corrente liderada por Xosé Manuel Beiras, Anova, co obxectivo de formar un bloque de esquerdas "de longo percorrido"

"Non basta cunha coalición clásica en termos electorais", afirmou Díaz en declaracións aos xornalistas na Coruña.

A proposta de EU vai máis aló da constitución dunha plataforma electoral para as próximas eleccións autonómicas, previstas, se se esgota a lexislatura, para marzo ou abril de 2013, unha idea lanzada recentemente polo histórico dirixente nacionalista Xosé Manuel Beiras, agora á fronte de Anova. "Necesitamos de todo intelixencia, de toda a forza e de toda a xenerosidade para chegar a puntos de encontro e xerar unha alternativa", apuntou Díaz.

A candidata de EU ás próximas eleccións autonómicas subliñou que as enquisas dan xa súa formación representación parlamentaria polo que o achegamento a outras formacións ten un obxectivo electoral senón algo máis "profundo": Crear unha fronte de esquerdas de ''longo percorrido" que aglutine o voto da maioría social. Para iso a súa formación iniciou un proceso de diálogo con todas as formacións políticas de esquerdas, incluída Anova, que continuará nas próximas semanas.

Díaz apelou " xenerosidade" de toda a esquerda para establecer un diálogo "sen prexuízos" que permita alcanzar "puntos de encontro" para a formación dunha alternativa política conxunta. "Non vai ser por EU que non cheguemos a un punto de encontro", afirmou Díaz.