Xornalismo é, escribir, publicar e transmitir o que non queren que se publique, escríbase e transmítase, o outro son "plumillas e relacións públicas da censura e a corrupción con premeditación e engano aos seus lectores".
CORES DE CAMBADOS É UN BLO
G. Sobre todo crítico.

EU GALEGO

EU GALEGO
CONSEGUIDO!!!
Mostrando entradas con la etiqueta TvSalnés. Mostrar todas las entradas
Mostrando entradas con la etiqueta TvSalnés. Mostrar todas las entradas

11 de abril de 2012

MAIS PERMEX PARA CAMBADOS





 Confrarías das Rías Baixas como as da Illa, Vilanova, Cambados ou Vilaxoán intensifican estes días as súas labores de rexeración.



E é que nos seus plans de explotación marisqueira contempla a posta en valor e tarefas de optimización dos seus bancos. No caso da Illa apostase pola rexeneración das zonas do Naval, Avilleira e a Ruda, no ámbito do marisqueo a pé; e nas autorizacións das Aceñas e da Sapeira e RIasón para a agrupación de a flote, que, neste caso, se fará efectiva ó remate da primavera. Vilaxoán intensificará os seus traballos de posta en valor das Saíñas e dos Borreiros, namentres Vilanova fai fincapé na área do Castelete, e na Praia Nova, xa contra finais do verán.


No caso de Cambados, estas tarefas de rexeración prolónganse ó longo de todo o ano, gracias en gran parte, a dinámica de traballo actual das mariscadoras e mariscadores, que tan bós resultados lles está a dar. Amais, hai que engadir que esta confraría conta cunha batea de engorde da cría dos bivalvos de seu, o que facilita que compren a semente máis barata que logo farán medrar nesta estructura, antes de sementar as súas concesións. O que facilita que as labores de rexeneración se poidan facer extensivas ó longo de todo o exercicio.


Estes traballos son acometidos principalmente con fondos propios das Confrarías, aínda que tamén contan con achegas anuais da Deputación de Pontevedra, e puntuais da Consellería do Mar. Este ano non coñecen aínda o alcance destas axudas. Con todo seguirán a traballar para aumentar a rendibilidade do marisqueo, para compensar a nula subida dos prezos cunha maior productividade das zonas. Unha maior producción que en Cambados vai a facer posible a incorporación de 90 novos mariscadores, grazas a concesión arestora de 25 novos permex, que se ampliarán de inmediato noutros 40, e posteriormente noutros 25. Unha incorporación paulatina que evitará os posibles efectos negativos das novas incorporacións na economía global dos mariscadores cambadeses.


Nestes tempos de crise esta pode ser unha boa saída laboral, pero non sabemos cando se levará a cabo. Agardemos que non sexa coma as promesas electorais que despois ou non se cumpren ou de cumprirse os números baixan escandalosamente. Pois xa hai que descontar os 25 primeiros que a falta das alegacións xa foron concedidos.

Tamén agardamos que os preto de 5000 euros que se aforrarán polo Plan de Eficiencia Enerxética vaian a parar as arcas da Confraría e polo tanto de todos os socios.

28 de marzo de 2012

OS SINDICATOS ANIMAN Á MOBILIZACION

                                                                                                                                 Os sindicatos apuran as súas mensaxes de mobilización para que o vindeiro xoves a folga xeral conte cun amplo respaldo. Chaman á conciencia dos traballadores presentando a reforma laboral do actual goberno do PP como un documento político, no que se plasma a súa ideoloxía conservadora, pero que en ningún momento, din desde UXT, foi redactada pensando nos traballadores. Chamamento especial fan ó sector da hostalería, ós autónomos e pequeno comercio a secundar a folga, porque eles, din en UXT, acabarán sendo os principais prexudicados pola reforma ó reducirse a capacidade adquisitiva da poboación.




Tralas asembleas e reunións con traballadores que veñen mantendo nos últimos días, na UXT aseguran que unha gran parte da poboación está concienciada da necesidade de tomar parte na folgar. Incluso sectores máis afastados dos ámbitos sindicais. É por isto que desde UXT e CCOO confían en que a folga xeral será un éxito.
Ambas formacións insisten en que a reforma laboral trunca o pacto social, dando carta branca ós empresarios, desprezando o pacto de moderación salarial incluído no acordo que sindicatos e patronal asinaron o pasado 25 de xaneiro, ademais de culpar ó goberno central de empregalo como arma para calar ás formacións sindicais.

Ollo ás coaccións
Esa impresión de amplo apoio á folga é compartida polo sindicato CIG, que convoca o paro á marxe de UXT e Comisións. Nun escrito remitido ós medios aseguran que nas distintas empresas polas que están a pasar chamando á folga, estanse a atopar cunha boa acollida por parte dos traballadores, sobre todo nos sectores da construción, metal e da industria, nos que agoiran que os paros serán maiores. No polo oposto atópase o sector servizos así como o pequeno comercio ou a hostalaría, onde as manifestacións de seguimento de folga son ambiguas ou fanse con reservas.
O sindicato nacionalista advirte tamén de que se están a atopar con indicios de coacción a traballadores nalgunhas empresas, ó obrigarlles a asinar un documento manifestando se secundarán ou non a folga. Desde a CIG alertan que se trata de unha coacción á liberdade dos empregados e unha infracción administrativa, polo que se pode denunciar.
Ademais, inciden en que só as empresas que prestan servizos esenciais á comunidade están obrigadas a manter servizos mínimos, medios que ten que determinar a Autoridade Laboral. Á marxe destas entidades, nos demais centros de traballo só se poden impor servizos de mantemento de instalacións, pero nunca para manter a cadea produtiva. 

O dereito a folga tense que respetar ao igual que o dereito ao traballo, polo tanto agardemos que a de mañán sexa unha xornada de reivindicación dos traballadores fagan ou non folga.


Cartel dun comercio anunciando unha folga anterior
  
 

23 de marzo de 2012

Boa pedra de toque para o Xuven de cara ó playoff

                                                            XUVEN -FERROL



Pouco se xoga o Xuven esta fin de semana, porque xa é primeiro de grupo seguro, pero sen embargo, prevese un partido bonito no Pombal. Será a derradeira oportunidade para ver ós de Yago Casal xogando na casa antes do playoff. O rival, será un bo aperitivo para eses encontros decisivos. Visítalles o sábado o Recinor Ferrol, actual campión de liga e segundo clasificado a día de hoxe.
Xa está todo practicamente decidido na EBA pero o deste sábado non será un partido máis para o Establecimientos Otero. Ben é certo que os cambadeses serán primeiros, pase o que pase nestas últimas dúas xornadas ligueiras, pero os alicientes son varios. O primeiro, que o rival é o Recinor Ferrol, un dos equipos máis fortes da categoría nos últimos anos, campión o ano pasado, aínda que logo se quedaría sen o premio do ascenso ás primeiras de cambio. Desta volta os ferroláns chegan segundos á cita cun balance de 13 victorias e 5 derrotas. Para eles o encontro é importante, xa que manteñen unha dura pugna por esa segunda praza con Marín, co que está non só igualados a triunfos, senón tamén no basketaverage particular.

A motivación do rival será polo tanto alta. O Xuven debe buscar igualar ó máximo ese aspecto pensando que este será o derradeiro partido que disputarán ante a súa afección antes do primeiro playoff, que a día de hoxe lles enfrontaría ó SAB Torrelavega. E que mellor maneira de preparar un partido coma ese, que cunha boa pedra de toque como o Recinor Ferrol. Un equipo que secunda ó Xuven en practicamente tódalas estadísticas positivas. O seu único lunar, as máis de 16 perdas de balón por encontro.
Trátase dun equipo cunha gran profundidade de banquiño e moi veterano pero no que a súa principal figura é un rapaz de 21 anos, Juan Pablo Sutina, dos mellores da liga en anotación e valoración. As claves do encontro volverán a pasar pola intensidade dos locais, tanto no seu xogo de ataque, como sobre todo na defensa.
 

22 de marzo de 2012

Ruta Real do Pai Sarmiento

                         CAMIÑO XACOBEO PONTEVEDRA- SALNES


O camiño, coñecido como Ruta Real do Pai Sarmiento, era o antigo enlace entre a cidade do Lérez coa comarca do Salnés.
O vindeiro sábado 31 de marzo estrearase o segundo e último tramo do camiño Xacobeo que une a cidade de Pontevedra coa comarca do Salnés. O primeiro, desde a cidade do Lérez ata Meis, abríase o pasado dez de marzo cunha expedición na que participaron algúns dos impulsores desta iniciativa: Asociación de Amigos do Camiño Portugués, Deputación de Pontevedra, Mancomunidade do Salnés e a Asociación Cultural de Campañó.

 
Este segundo tramo do camiño partirá do Mosteiro de Armenteira para culminar, despois de catro horas de andaina e 23,6 quilómetros de distancia, na estación marítima de Vilanova. Con esta iniciativa, os seus promotores pretenden rescatar o camiño que unía Pontevedra e o Salnés antes da construción da Ponte da Barca, a coñecida como Ruta Real do Pai Sarmiento, que se remonta ó ano 1745.
Esta variante do camiño Xacobeo portugués constitúe a unión entre as rutas terrestres e marítima de peregrinaxe, polo que os seus impulsores pretenden que sirvan tamén para poñer en valor a paisaxe e monumentos que se levantan ó seu paso. 

Aqueles que desexen participar na ruta deberán estar o sábado 31 de marzo ás oito e media da mañá no Mosteiro de Armenteira. De alí partirá a expedición para percorrer a Ruta da Pedra e da Auga, os Muíños de Barrantes, o sendeiro de Ribadumia, Pontearnelas ou a Ruta Valleinclaniana para rematar na rada vilanovesa, onde aqueles que queiran poderán embarcar no catamarán para participar dun xantar a bordo. 


                                                                
A Ruta do Viño Rías Baixas presenta o seu Pasaporte Especial Semana Santa 
                                                                                                           Trátase da última iniciativa posta en marcha por este organismo co obxectivo de promocionalo atractivo da Ruta.
Pasaporte Especial Semana Santa. Este é o nome da nova iniciativa que ven de pór en marcha a Ruta do Viño Rías Baixas de cara a promocionalos atractivos da mesma durante esta época do ano e conseguir así gran afluencia de visitantes. Deste xeito, todos aqueles que dispoñan dunha destas credenciais poderán gozar de 55 propostas diferentes que ofrecen os 39 establecementos participantes do Salnés, Ribeira do Ulla e O Rosal. 


Entre as propostas que se ofrecen inclúense prezos especiais en restauración, visitas gratuítas a adegas, obsequios de regalo e grandes descontos. O único que terá que facer o visitante é descargalo pasaporte na páxina web da ruta ou adquirilo en cada destino e contactar previamente con eles. Unha vez alí cada entidade será a encargada de selar a nosa credencial.
E para coñecela Ruta antes de visitala e de maneira sinxela, este organismo ven de por en marcha unha Guía Móbil. Trátase dunha aplicación móbil a través da cal se pode acceder a toda a información sobre establecementos, patrimonio ou recursos 
gastronómicos das Rías Baixas. 


Poderáse obter o Pasaporte nas oficinas de turismo, nos establecemento participantes e descargandoo da web: http://www.rutadelvinoriasbaixas.com/sites/default/files/archivos/2012/03/pasaporte_semana_santa.pdf
E a guía móbil en:
http://www.rutadelvinoriasbaixas.com/apps.html