"QUE COMERÁ O REI" DE CÁNDIDO PAZÓ NA "XUVENTUDE"

Cándido Pazó e a súa obra ‘Que comerá o rei?', título tomado dun texto das estampas do álbum Nós de Castelao, chegarán a Cambados o vindeiro sábado 10 de setembro, para contar unha sesión de historias e contos inspirados nos textos e debuxos do autor de Rianxo. Trátase dun espectáculo que, coa palabra como única ferramenta, procura o humor agudo e tenro, a expresión sinxela e sutil e o trazo delicado e potente do xenial artista. 

A representación será ás 21.00 horas no Auditorio "A Xuventude" de Cambados, unha función de Pazó das previstas pola Deputación de Pontevedra dentro da programación do Ano Castelao na provincia.