O C.R.D.O. RIAS BAIXAS DA DE BAIXA A 19 VITICULTORES

Ante a imposibilidade de contactar cos 19 viticultores, o Consello Regulador da Denominación de Orixe Rías Baixas fai público o seguinte comunicado:

O Regulamento do Consello Regulador da D.O.Rías Baixas no seu artigo 18.3, relativo á Vixencia e Renovación das inscricións, establece: Procederase a dar de baixa en Rexistro de Viñedos do Consello Regulador por inactividade ou abandono, durante cinco anos consecutivos, das parcelas das cales sexa titular ou inscrito, salvo causa de forza maior debidamente xustificada.

Mediante o presente anuncio, o Consello Regulador da Denominación de Orixe Rías Baixas informa os viticultores sinalados, que nos rexistros do Consello Regulador non consta que efectuasen ningunha entrega de uva en últimos cinco anos (período 2011-2015). Por correo certificado e/ou mediante publicación no BOP con data 28 de abril de 2016, comunicouse aos viticultores apuntados, que dispoñían dun prazo de 15 días, para presentar aquelas alegacións ou probas que estimasen oportunas, informándolles de que, a non presentación de alegacións ou a desestimación das mesmas, implicaría a baixa dos Rexistros de viñedos deste Consello Regulador.

É por iso que, en cumprimento do Regulamento e do Manual de Calidade, comunícaselles que o Pleno do Consello Regulador ha resolto, a baixa da titularidade, nos Rexistros de Viñas deste Consello Regulador aos viticultores.

Os viticultores son:
4 de Sanxenxo
2 de Cambados
2 de Meis
3 de Arbo
1 de Padrón, Portas, Pontevedra, Meaño, Pazos de Borbén, Salvaterra, Vigo e Vilagarcía.