ACTOS DE HOXE VENRES ALBARIÑO´15

31 de xullo

Venres

Alborada, comezando na Alameda de San Tomé, a cargo do grupo de gaitas de Xironsa 

12:00-14:30h/19:00-21:00h Túnel Profesional do Viño organizado polo Consello Regulador da D.O. Rías Baixas, no Salón de Congresos e Exposicións José Peña (10€/persoa) 

12:30h Na Praza de Alfredo Brañas concerto de Colt 45 organizado polos hostaleiros da praza 

13:00h No Paseo da Calzada actuación de Habelas Hainas 

19:30h Na Praza de Alfredo Brañas concerto de Colt 45 organizado polos hostaleiros da praza 

19:45h Pasarrúas da batukada Olodum do Coio 

20:00h Pasarrúas e actuación no Paseo da Calzada da charanga Os Jaláticos 

21:30h Na Praza de Fefiñáns concertos de: Isi Vaamonde Band e JAMES (23:00h) 

 

22:30h Na Praza do Concello actuación das orquestras Caché e Gran Colisseum (coa cantante Luci Alonso, gañadora do concurso Recantos do programa da TVG Luar).

II VRAN IN BRAÑAS (TODOS OS CONCERTOS)

A RUTA DE AUTOCARAVANAS PASARÁ POR CAMBADOS

A Ruta de Autocaravanas Yakart chega á súa terceira edición con récord de participación: 65 vehículos e 150 persoas participarán da experiencia, que arranca o venres 31 de xullo na Coruña, de onde sairá o sábado 1 de agosto, e chegará o 9 a Santiago, tras percorrer 18 concellos, con Fisterra, Muxía, Guitiriz, Ribadavia, A Garda, Vigo e Cambados como puntos finais e de saída.
As novidades da presente edición inclúen a organización, que se fará a partir de agora a través dunha organización sen ánimo de lucro, a Caravana Club Yakart, e a visita dos autocaravanistas ás Cíes, que se realiza por primeira vez. En total, 670 quilómetros que permitirán aos participantes percorrer as catro provincias galegas e facer turismo dun xeito diferente.
Durante a presentacion, no Real Club Náutico da Coruña, o presidente da Caravana Club Yakart, Antonio Jul, asegurou que "o obxectivo é atraer xente a Galicia e potenciar este tipo de turismo". Jul destacou o éxito que obtén cada edición a ruta: "O primeiro ano fomos 50 autocaravanas; o segundo, 40 e este xa somos 65 -explicou- e non puidemos levar máis porque temos un tope pola xente que podemos meter para a cea-baile que organizamos no barco en Cambados; mesmo temos doce en lista de espera".

Áreas de autocaravanas
A expedición servirá este ano para inaugurar a área de Fisterra, de xestión privada, que se suma deste xeito ao centenar de zonas destinadas a autocaravanas que existen xa en toda Galicia. É a comunidade onde existen máis espazos de estacionamento deste tipo, coa excepción de Vigo, onde aínda non se creou. Sobre o turismo deste tipo, Antonio Jul asegura que non prexudica para nada ao sector hoteleiro: "O que nos gusta é vivir en liberdade e non adoitamos ir a hoteis; o que si gastamos é en gasolina, ir ao supermercado e, por norma, céase ou cómese na autocaravana pero unha das comidas sempre se fai fóra, así que tamén é bo para os restaurantes,".

Perfil
O 95% dos participantes proceden de fóra de Galicia, de todas as comunidades autónomas, aínda que tamén hai dous autocaravanistas que chegan dende Portugal e mesmo un que vén de Uruguai. Moitos están xa xubilados e as idades oscilan entre os 55 e os 70 anos. O prezo por participar é de 450 euros por autocaravana (inclúe dúas persoas con todas as ceas e eventos pagados) e o consumo aproximado de gasóleo durante toda a ruta é duns 110 euros.
O perfil deste tipo de viaxeiro é o dunha persoa de nivel económico medio-alto e, de feito, é o turismo que máis creceu durante os últimos anos. En Alemaña, o 45% da poboación viaxa en autocaravanas, mentres que en España esta porcentaxe é aínda baixa, do 16%.

Etapas

Venres 31: A Coruña
Recepción de autocaravanas e entrega de documentación.

Sábado 1: A Coruña-Fisterra
9:45: Concentración á entrada do aparcadoiro da Torre de Hércules.
10:00: Saída en formación numérica cara a Fisterra.
Aparcadoiro en área autocaravanas.
110 km. Tempo estimado de chegada 12.30 horas.
23:00: Visita ás cataratas do Ézaro.


Domingo 2: Fisterra-Muxía
10:00: Saída cara a Muxía
Aparcadoiro no Porto.
Total 38 quilómetros. Tempo considerado de chegada 10.50 horas.

Luns 3: Muxía-Guitiriz
10:00: Saída cara a Guitiriz.
Aparcadoiro en Hotel Balneario.
Total 146 quilómetros. Tempo considerado de chegada 13.00 horas.

Martes 4, Guitiriz-Ribadavia:
9,30: Saída cara a Ribadavia con parada en Friol e en Adegas Viña Costeira.
10,30: Parada en Friol, foto de grupo diante do concello.
11,15: Saída cara a Viña Costeira.
13,30: Visita guiada á adega.
15:00 H: Saída cara a Ribadavia.
Aparcadoiro en Area Recreativa A Veronza.
Total quilómetros 145. Tempo considerado de chegada: 18.00 horas.

Mércores 5, Ribadavia-A Garda
10:00: Saída cara á Garda
Aparcadoiro no Porto.
Total 100 quilómetros. Tempo considerado de chegada: 12.00 horas.

Xoves 6: A Garda-Vigo:
9:00: Saída cara a Vigo.
Aparcadoiro en aparcadoiro privado de estación de tren Vigo-Urzaiz.
Total 64 quilómetros. Tempo considerado de chegada: 10.45 horas.
11:30: Saída do barco dende o porto de Vigo cara ás Cíes.

Venres 7, Vigo-Cambados:
10:00: Saída cara a Cambados.
Aparcadoiro no Porto.
Total 56 quilómetros. Tempo considerado de chegada: 11.45.

Sábado 8, Cambados-Santiago
10:00: Saída cara a Pazo Baión.
11:15: Visita.
12:30: Saída cara a Santiago.
Aparcadoiro en área de autocaravanas de Salgueiriños.
Total 45 quilómetros. Tempo considerado de chegada: 14.10 horas.

Domingo 9: Santiago
11:00: Foto de grupo diante da Catedral.
12:00: Misa do peregrino.


Infomiño.com

AS CONFRARÍAS AROUSÁNS MOLESTAS COA CONSELLERÍA DO MAR

Enfado monumental entre os patróns da ría de Arousa. Despois de seis meses agardando unha proposta da Consellería do Mar para rexenerar os bancos marisqueiros, a proposta que lles presentaron onte parécelles unha burla. Cren que as medidas chegan tarde e son insuficientes.

  As medidas chegan tarde e son insuficientes. Na reunión de onte da consellería do Mar cos patróns, o sector quedou decepcionado. O descontento é maior pola tardanza da Consellería. Os técnicos levan seis meses recollendo datos sobre o terreo e facendo informes; actuacións que valoran en 700.000 euros. Unha perda de tempo para os patróns. Facer arados na zona de O Bohído e limpar as algas e loitar contra os depredadores en O Cabío, son as propostas da Xunta para recuperar a capacidade produtiva destes bancos. Para Os Lombos do Ulla, proponse un dragado dunha superficie duns 20.000 metros cadrados, unha acción que se realizaría a dous meses do arranque da campaña de libre marisqueo. O enfado do sector é maiúsculo, e os patróns insisten na petición que fixeran xa no seu último escrito: a reclamación da dimisión de Rosa Quintana e o seu equipo. Os patróns reuniranse o vindeiro luns para analizar a proposta en profundidade e trazar a súa folla de ruta.

"O SONORO MAXÍN" HOXE NOS XOVES DE CÓDAX

Os membros de Sonoro Maxín, que presentan nestes momentos a súa xira "O espectáculo son eu", chegan ao escenario dos Xoves de Códax dentro da programación especial de Adegas Martín Códax con motivo da Festa do Albariño.
Si non tes entradas sentímolo, están esgotadas.

O Sonoro Maxín nace no verán de 2007 a partir do reencontro de vellos amigos e coñecidos da música galega que formaban parte de proxectos como Lamatumbá, Cinnamon Gum,  Mutenrohi ou The Pigmalions. Estreábanse en Ourense, a súa cidade natal e ao longo destes anos percorreron a xeografía galega e portuguesa con máis de 150 concertos compartindo escenario con grupos como Manu Chao & Radio Bemba Sound System, Shantel & Bucovina Club Orkestar, Tonino Carotone, Los Delinqüentes, La Troba Kung-Fú ou Che Sudaka.

PROGRAMACIÓN XOVES DE ALBARIÑO´15

PROGRAMA 30 de xullo Xoves

Alborada, comezando na Alameda de San Tomé, a cargo do grupo de gaitas Os Xeitosiños de Cambados 

11:00h Inauguración da V Edición do Túnel do viño e catas temáticas no Salón de Congresos e Exposicións José Peña 

12:00-14:30h/19:00-21:00h Túnel Profesional do Viño organizado polo Consello Regulador da D.O. Rías Baixas (10€/persoa) 

12:30h Na Praza de Alfredo Brañas concerto de Cabina 402 e Killing Floor organizado polos hostaleiros da praza. 

13:00h No Paseo da Calzada actuación de Habelas Hainas 

19:00h Na Praza de Alfredo Brañas concerto de Cabina 402 e Killing Floor organizado polos hostaleiros da praza 

20:00h Pasarrúas da batukada Olodum do Coio 
21:00h Pasarrúas de Fanfarria Taquicardia 

22:30h Na Praza do Concello actuación das orquestras Chocolate e Tango 

23:00h Na Praza de Fefiñáns concerto de: TREIXADURA con Cantigas e Agarimos 

23:30h Discoteca móvil La Duendeneta nas rúas do centro.

CARMELA SILVA CONVOCARÁ AO SECTOR DO VIÑO

A Presidenta da Deputación de Pontevedra, Carmela Silva, anunciou hoxe na inauguración da Festa do Albariño de Cambados que convocará ao sector vinícola a unha xuntanza para analizar conxuntamente o seu futuro.

Silva reconoceu o "gran esforzo"  do propio sector na internacionalización acometida o longo dos últimos anos e subliñou que "as administracións temos a obriga de comprometernos con el porque ademais forma parte do ADN da provincia de Pontevedra".

Neste senso, as conversas mantidas con colleiteiros e bodegueiros ao longo da inauguración e no recorrido polo paseo da Calzada, serviron para que Carmela Silva se marque como obxectivo "que a Deputación poña os instrumentos necesarios para garantir que o sector do viño siga crecendo".

A Presidenta recordou que o sector do viño é moi importante en Pontevedra "non so pola súa importante produción senón tamén polo seu atractivo turístico ligado aos paisaxes de toda a provincia".

Por último, Silva felicitou á alcaldesa de Cambados, Fátima Abal, pola excelente organización da festa e, animou a todos os pontevedreses e pontevedresas a achegarse a vila durante estas xornadas.  

SORTEADO O CALENDARIO DA LEB PRATA

A Federación Española de Baloncesto, unha vez confirmada a composición da Adecco LEB Prata con 15 equipos, sorteou este mércores o calendario de competición.A liga arrancará o día 3 de outubro, e farao cun partido en Ávila para o Peixe Galego, ante El Bulevar, e na casa para o Xuven Cambados, que recibirá o Basquet Tarragona.

Os amarelos afrontarán a primeira xornada de descanso na segunda semana de competición, e tamén na xornada 17, mentres os de Marín pararán nas xornadas 7 e 22.

Os duelos de rivalidade entre os dous equipos galegos faranse de pregar ata a xornada 12 (16 de decembro) e a 27 (2 de abril), primeiro en Marín e despois en Cambados.

Para rematar, o Peixe Galego pechará a liga regular o 23 de abril a domicilio na casa do Oliveira Fragata Morón e o Xuven farao no Pombal ante o Viven Getafe.

INAUGURACIÓN DA LXIII FESTA DO ALBARIÑO

A inauguración oficial da LXIII Festa do Albariño de Cambados tivo lugar ás 13,30 horas, a cargo da alcaldesa de Cambados, Fátima Abal, escoltada polos seus compañeiros na corporación, ademais de contar coa presenza da nova presidenta da Deputación Provincial, Carmela Silva e a conselleira do sector, Rosa Quintana. As palabras do cineasta cambadés Juan Galiñanes, pregoeiro da festa, antecederon o corte da fita de inauguración da Festa. Nesta xornada inaugural está prevista a celebración dunha das novidades deste ano, o I Festival do   Albariño  en galego, que se vai celebrar na praza de Fefiñáns e que contará coas actuacións de Killing Floor, Sokram, Sés e Dios Ke Te Crew.

Cabaleiros, Damas, Xóvenes Albariñenses e Follas de Prata

O Capítulo Serenísimo, esa Orden tan especial e que vai por diferente camiño,  tamén fixo pública esta mañá a lista de distincións polas que se nomea a "damas e cabaleiros" e as distincións de "albariñenses de honra" e "xóvenes albariñenses".

As novas tres damas do Albariño serán Fátima Abal alcaldesa deCambados dende o pasado mes de maio, Rosa Vilas Núñez, directora TVG e natural de parroquia de Vilariño, e a escritora británica e apaixonada do viño Sarah Jane Evans, presidenta así mesmo do Institute of Masters of Wine.

Entre os "cabaleiros", figuran Juan Carlos Escotet, presidente de ABanca, Isidro Serantes, xerente da adega Bouza do Rei e o xornalista Manuel Giménez Cuevas.

As distincións do Capítulo Serenísimo como "xóvenes albariñenses" foron para Ricardo Abal Padín, Javier Cadavedo López, Elena Dorada Lomba, Paula Lobato Moyáns, Alicia Martínez Portas e Ana Montáns López. O título de "albariñense de honra" foi concedido á agrupación de adegas "Terras do Asorei", á "Confraría do viño deCarcavelos" e ás cooperativas Viña Almirante e Vitivinícola de Arousa.

Por último, as Follas de Plata serán este ano para José Mª Costa,José Juan Durán Hermida, Horacio Gómez Araujo, Ana Méndez Gil, Alberto Nanclares Ocio e Manuel Trigo Durán.


O tradicional acto de investidura de "damas e cabaleiros" producirase este próximo domingo, como é habitual, no patio de Armas do pazo de Feliñáns.





Video do pregón de Arousa Si Radio

Corte da cinta








VÍDEOS AROUSA SI RADIO

LOUZÁN "SAQUEOU" A DEPUTACIÓN NAS ÚLTIMAS SEMANAS

Como ven sendo habitual desde que se produce un cambio de goberno desdes as pasadas eleccións de maio e cando os que entran novos nas institucións ben sexa concellos ou deputacións o primeiro que se fai é mirar as arcas-
A  presidenta da Deputación de Pontevedra explicou a situación das contas da institución provincial. Segundo denunciou, no último mes do seu goberno Rafael Louzán deixou sen recursos os diferentes plans que tiña en marcha o executivo provincial.

  Dos seis millóns de euros de libre disposición do Plan Provincial de Obras e Servizos, só quedan 245. Dos 1,5 millóns de libre concorrencia, o anterior goberno deixou todos adxudicados.  O deste plan é só un exemplo do que, segundo Carmela Silva, atopou o seu equipo ao repasar as contas provincias. No Plan de Acción Municipal, para actividades culturais, deportivas e sociais, só quedan 45 euros dos 200.000 de libre disposición e case 19.000, xa adxudicados, dos 800.000 destinados á concorrencia. Do millón de euros para asociacións e entidades sen ánimo de lucro do Plan de Acción Comunitaria, restan 65 euros. Estes investimentos do último mes de goberno tamén foron comentados polo actual vicepresidente. César Mosquera asegura que el non se sorprendeu polo estado das contas. Mosquera asegurou que o equipo comezará a traballar nos orzamentos para o vindeiro ano, sen que se plantexen adiantar a súa posta en marcha para paliar a falta de fondos.

MAÑÁN COMEZA A FESTA DO VIÑO ALBARIÑO

PROGRAMA 29 de xullo

Mércores

Alborada, comezando na Alameda de San Tomé, a cargo do grupo de gaitas Os Carballeiras

Dende as 12:00h ata as 20:00h na Praza do Concello xogos tradicionais para nenos e adultos.

12:30h Na Praza de Alfredo Brañas concerto de Dreadlockers organizado polos hostaleiros da praza.

13:00h Na Casa do Concello pregón a cargo do director de cine Juan Galiñanes

13:30h No Paseo da Calzada inauguración da LXIII Festa do Albariño e apertura dos stands de degustación

19:00h Na Praza de Alfredo Brañas concerto de Dreadlockers organizado polos hostaleiros da praza.

20:00h Nos xardíns do Pazo de Torrado espectáculo de maxia a cargo do Mago Adri

20:30h Pasarrúas da charanga Madialeva

21:00h Na Praza de Fefiñáns I Festival do Albariño en

galego, con concertos de: Killing Floor, Sokram 

(21:45h) SÉS (23:00h) Dios Ke Te Crew (00:30h)

22:30h Na Praza do Concello actuación das orquestras Perlas e Suavecito.

CAMBADOS CONCEDE 40 LICENCIAS DE TAXI ESPECIAIS

               AUTORIZACIÓNS ESPECIAIS DE SERVIZO DE TAXI

A área de Mobilidade do Concello de Cambados, en coordinación con outros departamentos (Cultura, Seguridade Cidadá,…) ven de dispoñer dun amplo dispositivo técnico e humano que garanta o normal desenvolvemento da “LXIII Festas do Viño Albariño 2015”.

Con tal motivo, e vista a necesidade de reforzar o servizo de Taxi deste Concello o domingo día 2 de agosto, é polo que vanse conceder CORENTA (40) AUTORIZACIÓNS ESPECIAIS, a titulares de licenza de taxi que conten cos preceptivos permisos administrativos que os faculten para o desenvolvemento do referido servizo.

As autorizacións concederánse única e exclusivamente para o horario comprendido entre as 03’00 a.m. e as 09’00 a.m. do día 2 de agosto de 2.015, e por rigurosa orde de presentación de solicitudes ata completar o número indicado.

Os profesionais interesados deberán presentar a correspondente solicitude no REXISTRO XERAL DO CONCELLO DE CAMBADOS, a partir do mércores día 29 de xullo, inclusive, en horario de 8’30 a 14’30 horas, acreditando ademáis, que se atopan en posesión do “Contrato Oficial”, conforme ó artigo 20 da Lei 6/1996, de 9 de xullo.

A lista de prezos estipulados para a presente edición é a seguinte:

Saída mínima: 8 €
Castrelo – Hotel Cruceiro	10€	Portonovo	30 €
Oubiña	12€	O Grove	35 €
Pontearnelas	15€	San Vicente do Mar	40 €
O Terrón (Vilanova)	15€	Dena (Meaño)	15 €
Vilanova de Arousa	15€	Vilaxoan	20 €
As Sinas (Vilanova)	20€	Pontevedra	45 €
A Illa de Arousa	20€	Catoira	35 €
Vilagarcía de Arousa - Centro	20€	Barrantes (Ribadumia)	12 €
Sanxenxo	30€	Caldas de Reis	35 €