UN ANO MÁIS OS XOVES EN MARTÍN CÓDAX, MÚSICA!!

Un verán máis, chegan " Os Xoves de Códax", un ciclo de oito concertos de artistas galegos de renome que, por cuarto ano consecutivo, permitirán descubrir aos asistentes novas formas de sentir e vivir os viños da adega. Estas tardes de música e viño terán lugar os xoves de xullo e agosto na terraza de Adegas Martín Códax a partir das 20.30 horas, cunha duración aproximada dunha hora.

A  terraza-lounge encóntrase no outeiro de Burgáns, dende a cal se divisa o Val do Salnés así como a Ría de Arousa, tendo un enclave privilexiado para gozar das postas de sol estivais.

Seguindo o funcionamento da pasada edición, para poder asistir ao ciclo de concertos será necesario adquirir as entradas dende a tenda online de Adegas Martín Códax. Terán un custo de tan só 5 euros e os beneficios obtidos destinaranse a diferentes asociacións sen ánimo de lucro da zona, como parte do compromiso e a responsabilidade social da adega para coa comunidade galega. Estarán dispoñibles á venda a partir do 1 de xuño ás 12.00 horas.

Os asistentes, ademais da obra destes artistas poderán gozar tamén dunha degustación dos viños de Martín Códax.

Nesta cuarta edición o ciclo Os Xoves de Códax alcanza a súa madureza pero máis vivo e novo que nunca, con vontade de experimentar e mesturando proxectos musicais de diversas procedencias pero con marcado carácter galego. O obxectivo: que o público viva unha experiencia intensa.

O calendario de concertos previsto é o seguinte:

DATAS	ARTISTAS
2 de Julio	Rosa Cedrón y Emilio Rúa
9 de Julio	Carmen París y Xabier Díaz
16 de Julio	Banda Crebinsky
23 de Julio	Os Modernos
6 de agosto	Guadi Galego y Pachi García
13 de agosto	Radio Pesquera
20 de agosto	Eliseo Parra y Marcelo Dobode
27 de agosto	Martirio y Uxía.