DESCARTAN UN SEGUNDO VEHÍCULO NO ACCIDENTE DE OUBIÑA

O tenente coronel xefe de Tráfico en Galicia da Garda Civil,Francisco Javier Molano, descartou hoxe a presenza doutro vehículo no accidente que custou a vida a unha moza en Cambados (Pontevedra). Unha muller faleceu onte á noite nun accidente de tráfico rexistrado na estrada que une Pontevedra con Cambados, concretamente en Oubiña.

Inicialmente comentouse que conducía un home e que falecera unha muller que ía de copiloto, aínda que Molano explicou hoxe ante os medios de comunicación que a condutora era unha muller de dezaoito anos que obtivera o carné había tres meses. Faleceu a ocupante do asento do copiloto, que tiña vinteun anos, por unha "saída de vía pola dereita" na que está descartada "a intervención doutro vehículo", precisou, posto que se trata dunha "colisión contra un obstáculo fixo".