UNHA CAMBADESA PREMIADA POLA ACADEMIA DA TELEVISIÓN

A Academia das Ciencias e as Artes da Televisión decidiu por maioría conceder un dos seus premios Talento 2014 á directora da TVG, a xornalista Rosa Vilas.
O galardón recoñece a traxectoria de Vilas, cambadesa, licenciada en Xornalismo pola complutense de Madrid, e que leva 25 anos desenvolvendo o seu labor na Televisión de Galicia, aínda que deu os seus primeiros pasos profesionais na Cadena Ser.
Na Galega editou, dirixiu e presentou informativos durante anos, e foi a primeira muller nomeada redactora xefa na Tlevisión de Galicia.

Para poder optar a estes galardones, sinala a compañía pública nun comunicado, os candidatos han ter que desenvolver o seu labor profesional tralas cámaras con "brillantez e recoñecemento xeral".
Ademais de Rosa Vilas, outros catorce profesionais mereceron distinción por distintos motivos, e o Premio Especial recaeu no productor Pepe Carbajo pola súa traxectoria profesional.
A cerimonia de entrega dos Premios Talento será a principios de decembro e contará coa participación de numerosos profesionais do mundo da televisión.